တန်ဆောင်တိုင်အား အမှတ်ရစေ၇န်ပြန်လည်ကူးယူဖော်ပြပါသည်

၂ဝ၁ဝ တောင်ကြီးတန်ဆောင်တိုင်

သူငယ်ချင်းတစ်ယောက် ပေးပို့လာတဲ့ ၂ဝ၁ဝ တောင်ကြီးတန်ဆောင်တိုင်ရဲ့ နေ့လွတ်၊ ညလွတ် မီးပုံးပျံလေးတွေပါ။ မျှဝေပါတယ်....

ကြိုတင်ရင်ခုန်ချင်ပါသည်

http://www.meeponepyan.com မှ ပုံများဖြစ်ပါသည်

နှစ်စဉ်ကျင်းပမြဲဖြစ်သော မြို့လုံးကျွတ်မဟာဘုံကထိန် လှည့်လည်ပူဇော်ပွဲနှင့် မီးပုံးပျံပြိုင်ပွဲကို တောင်ကြီးမြို့တွင် စည်ကားသိုက်မြိုက်စွာကျင်းပသွားမည်။ မီးပုံးပျံပြိုင်ပွဲကို နိုဝင်ဘာ ၁၄ရက်နေ့မှ နိုဝင်ဘာ ၂၁ရက်နေ့ထိ ကျင်းပသွားမည်ဖြစ်ပြီး ဆုပေးပွဲနှင့် ကွင်းပိတ်ပွဲကို နိုဝင်ဘာ ၂၂ရက်နေ့တွင် ပြုလုပ်သွားမည်ဟု သိရှိရသည်။

မဟာဘုံကထိန် လှည့်လည်ပူဇော်ပွဲကို နိုဝင်ဘာ ၂၁ရက်နေ့(အဖိတ်နေ့)တွင် ကျင်းပမည်ဖြစ်ပြီး ပဒေသာပင်များကို မြို့လည်ဓမ္မာရုံသို့ ပို့ဆောင်သွားမည်ဟု သတင်းရရှိပါသည်။

***တောင်ကြီးတန်ဆောင်တိုင်ကို ကြိုတင်ရင်ခုန်ချင်သူများအတွက် ၂ဝ၁ဝခုနှစ် တောင်ကြီးတန်ဆောင်တိုင် မီးပုံးပျံပွဲကို up to date တင်ဆက်မည့် http://www.meeponepyan.comမှ ကူးယူဖော်ပြခြင်း ဖြစ်ပါသည်။

“မိုင်ဆွမ်ခ”

ဲ

“မိုင်ဆွမ်ခ” လို့ ပထမဦးဆုံး နှုတ်ဆက်လိုက်ပါတယ်။ တကယ်တော့ ဒီပို့စ်ကို ကျွန်မရေးချင်နေတာ တန်ဆောင်တိုင်ပွဲပြီးလို့ ဒီပွဲအတွက် ပွဲစင်တွေ ထပ်ပြန်ဆောက်တဲ့ အချိန်ကတည်းကပါ။ ဒီပွဲက ကျောင်းပိတ်ရက်နဲ့ မကြုံတော့ နေ့ခင်းဖက်တွေမှာ ဓာတ်ပုံတွေ သွားရိုက်ဖို့ အချိန်မရှိခဲ့ဘူး။ ညရိုက်တဲ့ ပုံတွေက ကင်မရာ အညံ့စားလေးကြောင့် မကြည်မလင်ဖြစ်နေပါတယ်။ အကောင်းဆုံးပုံတွေ ရွေးပြီး တင်လိုက်ပါတယ်။

ရေးချင်ဇောနဲ့မို့ ဘာပွဲလဲဆိုတာ ပြောဖို့မေ့သွားတယ်။ တာချီလိတ်မြို့မှာ ၂၆ရက်နေ့ကနေ ၂၈ ရက်နေ့အထိ ကျင်းပတဲ့ ရှမ်းတိုင်းရင်းသား လူမျိုးတို့ရဲ့ ရိုးရာနှစ်သစ်ကူး ပွဲတော်... “ရှမ်းနှစ်သစ်ကူး ပွဲတော်” အကြောင်းလေးပါ။ ၂၆ရက်နေ့ကနေ ၂၈ ရက်နေ့အထိ ကျင်းပတယ်ဆိုပေမယ့် ၂၂ ရက်နေ့ကတည်းက ပွဲဈေးစခင်းနေပါပြီ။ ဒီညတော့ စားသောက်ဖို့ လက်မှတ်ဝယ်ထားတယ်ဆိုလို့ ကျောင်းအဆင်းမှာ အစ်မတို့ မိသားစုနဲ့ လိုက်သွားဖြစ်တယ်။ စားသောက်တဲ့နေရာ စတိတ်စင်ရှေ့ကို သွားဖို့ လူတွေကို အတင်းတိုးဝှေ့ခဲ့ရပါတယ်။ တန်ဆောင်တိုင်ပွဲတုန်းက ၃ပုံ ၂ပုံလောက်သာ ပွဲဆိုင်ခန်းတွေနဲ့ ပြည့်ခဲ့တဲ့ ကွင်းပြင်ကြီးဟာ ရှမ်းနှစ်သစ်ကူးပွဲမှာတော့ ကွင်းအပြည့် လျှံထွက်လုိ့နေပါတယ်။ ပွဲဈေးတစ်ခုလုံး ကြက်ပျံမကျ စည်ကားနေပါတယ်။

ည ၈နာရီကျော် ကျွန်မတို့ရောက်တော့ ပွဲက စနေပါပြီ။ ရိုးရာဝတ်စုံနဲ့ ရှမ်းပျိုဖြူလေးတွေ စတိတ်စင်ပေါ်မှာ ညီညီညာညာ ကနေပါပြီ။ စင်အောက်က ပွဲကြည့်ပရိသတ်တွေလည်း စားသောက်နေကြပါပြီ။ ကျွန်မတို့ ရောက်တဲ့အချိန်မှာ ရှမ်းအမျိုးအနွယ်တွေကို မိတ်ဆက်နေတဲ့ အချိန်ဖြစ်နေတယ်။ ရှမ်းလူမျိုးတွေမှာ လူမျိုးပေါင်း ၃၂ မျိုးရှိပြီး အခုဒီပွဲမှာ ပတ်ဝန်းကျင် အနီးအနားမှာ နေထိုင်ကြတဲ့ ရှမ်းလူမျိုး ၁၈မျိုးနဲ့ မိတ်ဆက်ပေးခဲ့ပါတယ်။ ၁၈မျိုးတွေထဲမှာ သိန္ဒီရှမ်း၊ သီပေါရှမ်း၊ ရှမ်းကြီး၊ ရှမ်းနီ၊ အင်းရှမ်း၊ ထိုင်းရှမ်း... စတာတွေပါဝင်ပြီး မြန်မာပြည် အနှံ့ ပြန့်နှံ့နေထိုင်ကြောင်း နေရာဒေသနဲ့တကွ ရှင်းပြသွားခဲ့ပါတယ်။ ကျွန်မ အရောက်နောက်ကျလို့ သေချာ နားမထောင်လိုက်ရပါဘူး။

ရှမ်းပြည်မှာအနှစ် ၃ဝကျော် နေလာခဲ့တဲ့ ကျွန်မအတွက် ဒီလိုရှမ်းနှစ်သစ်ကူးပွဲကို ပထမဆုံးအကြိမ် ရောက်ဖူးတာဖြစ်တဲ့အတွက် အရာရာဟာ ဆန်းသစ်နေပါတယ်။ ရှမ်းဝတ်စုံ ပုံစံမျိုးစုံဝတ်ထားတဲ့ ရှမ်းမလေးတွေ၊ ရှမ်းကလေးတွေ ကွင်းတစ်ခုလုံး ပြည့်နေပါတယ်။ သူတို့ရဲ့ ဝတ်စုံတွေက အရမ်းကို လှပါတယ်။ ရှမ်းမလေးတွေ ချောတယ်၊ လှတယ်ဆိုတာကို ကျွန်မမျက်ဝါးထင်းထင်း တွေ့မြင်ခဲ့ရတယ်ဆိုရင် မှားမယ်မထင်ပါဘူး။ (ရှမ်းကလေးတွေလည်း ချောကြတယ် .. ဟီး)

ကွင်းတစ်ခုလုံး “မိုင်ဆွမ်ခ... မိုင်ဆွမ်ခ” ဆိုတဲ့အသံနဲ့အတူ ဖန်ခွက်ချင်းထိသံ၊ ပျော်ရွှင်ရယ်မောသံတွေအပြင် ....

အင်္ကျီတွေမှာ

လွယ်အိတ်တွေမှာ

ဲ

လက်ကိုင်အလံလေးတွေမှာ

ရင်ထိုးမှာ

ရှမ်းအိုးစည်မှာ

ပွဲခင်းတစ်ခုလုံးမှာ ရှမ်းအလံတွေနဲ့ ရှမ်းလူမျိုးတွေက
သူတို့ရဲ့နှစ်သစ်ကို အရှိန်အဟုန် ပြင်းပြင်းနဲ့ ပျော်ပျော်ပါးပါး ကြိုဆိုနေခဲ့ကြပါတယ်

ပွဲခင်းထဲမှာ ရောင်းနေတဲ့ ရှမ်းထမိန်အဆင်တစ်ချို့

ဒီလိုရာသီ၊ ဒီလိုပွဲတော်ရောက်ရင် လူတွေ သူ့ကို ပိုသတိရကြပါတယ်။ သူမရှိတော့ပေမယ့် လူတိုင်းရဲ့၊ ရှမ်းတိုင်းရင်းသားတိုင်းရဲ့ ရင်ထဲ၊ အသဲထဲမှာ သူ.... ရှင်သန်နေဆဲပါ

အားလုံး မိုင်ဆွမ်ခ... ရှမ်းနှစ်သစ်ကူးပွဲနဲ့အတူ ပျော်ရွှင်နိုင်ကြပါစေ

တောင်ကြီးတန်ဆောင်တိုင် LIVE လွှင့်မည်

အိုးစည်သံနဲ့အတူ ချယ်ရီတွေ ယိမ်းကမယ့် ဒီပွဲတော်လေး တစ်နှစ်တစ်ခါဆိုသလို အချိန်မှန်မှန်နဲ့ ရောက်လာခဲ့ပြန်ပါပြီ။ ကမ္ဘာအနှံ့ ရှမ်းအိုးစည်သံတွေ လွှင့်ပျံ့ခဲ့တဲ့ မနှစ်က ဒီလိုအချိန် ဒီလိုရာသီကို အားလုံး အမှတ်ရနေကြအုန်းမယ် ထင်ပါတယ်။ အဝေးရောက် တောင်ပေါ်သားတွေ အိုးစည်သံကို တမ်းတနေသလား? ချယ်ရီရနံ့ကို လွမ်းမောနေပြီလား? ကောင်းကင်ပေါ် ဝဲပျံတက်သွားတဲ့ မီးပုံးပျံတွေကို မျက်စိတစ်စုံ လိုက်ငေးမကြည့်ခဲ့ရတာ ကြာမြင့်ခဲ့ပြီလား? ပွဲဈေးတန်းက ငါးထမင်းချဉ်၊ ဟင်းထုပ်၊ ကောက်ညှင်းကျည်ထောက်.... စတဲ့ ဒေသစာတွေကို မစားရချင်နေ ကြည့်ရရင် တော်ပြီလို့ တောင့်တနေမလား? တောင်ကြီး တန်ဆောင်တိုင်ပွဲကို တစ်ခါမှ မရောက်ဖူးဘူး၊ ဒီနှစ်လည်း မသွားဖြစ်ပြန်ဘူးလို့ ညည်းတွားနေသလား?

မပူပါနဲ့... လူကိုယ်တိုင် ရောက်သွားသလို ခံစားရအောင် “တောင်ကြီးချယ်ရီမြေ” အဖွဲ့သားတွေက Studio35နဲ့ ပူးပေါင်းပြီး ဒီနှစ်တန်ဆောင်တိုင် မီးပုံးပျံပွဲကို အဝေးရောက် လွမ်းမောနေကြသူတွေအတွက် မနှစ်ကလိုပဲ အွန်လိုင်းကနေ LIVE တိုက်ရိုက်ပြသနိုင်အောင် စီစဉ်နေကြပါပြီ။ အခမဲ့ အပင်ပန်းခံပြီး ပြသပေးတဲ့ တောင်ကြီးချယ်ရီမြေ ဝိုင်းတော်သားတွေရဲ့ ကြိုးပမ်းအားထုတ်မှုကို အသိအမှတ် ပြုနိုင်အောင် ကိုယ့်ဖက်က အဆင်သင့်ကြည့်ဖို့ လုပ်ထားပေးကြပါလို့ သတင်းကောင်းပါး လိုက်ပါတယ်။

Sunday, September 21, 2008

တောင်ကြီးမြို့ ၁၁၄ နှစ်ပြည့်အထိမ်းအမှတ်

တောင်ကြီးမြို့ ၁၁၄ နှစ်ပြည့်အထိမ်းအမှတ်အနေနဲ့ Taunggyi Family(Singapore) က ကျင်းပတဲ့ပွဲ ဖြစ်ပါတယ်။

ညမီးကျီး

ဂျူး

အကဲဖြတ် ဒိုင်လူကြီးအဖွဲ့က အသံချဲ့စက်ဖြင့် အော်၍ သတိပေး ကြေညာလိုက်၏။

“အခုတစ်ခါ ယှဉ်ပြိုင်ဖို့ အလှည့်ကျတာကတော့ ရွှေအင်းသားအဖွဲ့ရဲ့ “ညမီးကျီး” ဖြစ်ပါတယ်”

လက်ခုပ်သံများ၊ လက်ခေါက်မှုတ်သံများကို ကြားလိုက်ရသည်။ “ရွှေအင်းသား” အဖွဲ့ကို အားပေးကြသူများလည်း ပါမည်။ “ညမီးကျီး” ဟူသော အမျိုးအစားအပေါ် အားရကျေနပ်စွာ အားပေးသူများလည်း ပါလိမ့်မည်။ တောင်ပေါ်ကွင်းပြင်တစ်ခုလုံး ကြိတ်ကြိတ်တိုး စည်ကား ကျပ်ညပ်နေသော ပရိသတ်သည် တဖြည်းဖြည်း စူးရှ သိပ်သည်းလာသော အအေးဒဏ်ကို သတိမပြုမိသလိုပင် ဖြစ်သည်။ ဇွဲကောင်းလှပါပေရဲ့ဟု စောက မှတ်ချက်ချမိသည်။ စောအနီးမှာ ရပ်နေသော စောယောက်ျားသည် မီးပုံးပျံများ စောင့်ကြည့်ခြင်းကို သိပ်စိတ်ဝင်စားပုံ မရ။ ၁၅မိနစ်တစ်ခါလောက် လက်ပတ်နာရီကို ကြည့်ကြည့်နေ၏။

“အမြင့်ပေ ၆၀၊ ထိပ်ဝအကျယ် ၂၅ပေ ရှိပါတယ်။ ချိတ်ဆွဲထားတဲ့ ယမ်းအလေးချိန်ကတော့ ပိဿာ ၄၀ တိတိ ဖြစ်ပါတယ်”

ပရိသတ်က ဝေါခနဲ အာမေဋိတ်သံ ပြုလိုက်ကြသည်။ ယမ်းပိဿာချိန် များသည့်အခါ ထိုမီးပုံပျံကြီး ကောင်းကင်မရောက်မီ ပေါက်ကွဲခဲ့သော် ရရှိလာမည့် အန္တရာယ်သည် တော်တော်ကြီးမားမည် ဖြစ်သည်။

“ကုန်ကျစရိတ် စုစုပေါင်း ကျပ်နှစ်သိန်းတိတိ ဖြစ်ပါတယ် ခင်ဗျာ”

အဲသည် ကုန်ကျစရိတ် ကျပ်နှစ်သိန်းရှိပြီး ယမ်းပိဿာချိန် ၄၀ရှိသော မီးပုံးပျံကြီးကို မှိုင်းတိုက်နေကြပြီဖြစ်သည်။ မီးပုံးပျံကြီး မှိုင်းဝအောင် မီးရှို့ မှိုင်းတိုက်နေချိန်မှာ ရွှေအင်းသားအဖွဲ့၏ ဖြေဖျော်ရေး တာဝန်ခံအဖွဲ့ငယ်က အိုးစည် ဗုံမောင်းများ တီးခတ်ပြီး နောင်ဗေနောင်ဖြင့် ရိုးရာအက ကနေကြသည်။

စောသည် ပျော်ရွှင်စွာ တီးမှုတ်နေသူများ၊ မှိုင်းတိုက်နေသူများ၊ အလုပ်ရှုပ်စွာ တက်ကြွနေသူများကို ခြေဖျားထောက်ကာ လူအုပ်နောက်မှ ကဲကြည့်ရင်း အံ့သြနေသည်။ သြော် ငွေနှစ်သိန်းကို လှလှပပ မီးရှို့ပြဖို့ လူအင်အားတွေ၊ အချိန်တွေ ဘယ်လောက်စတေးခဲ့ရပါသလဲ၊ သူတို့ ဘာအတွက် လုပ်နေကြတာလဲ၊ အနုပညာ သက်သက်ပဲလား၊ သူတို့ အတ္တ၊ သူတို့ ဂုဏ်သိက္ခာအတွက်လည်း ပါမှာပေါ့လေ။ ဒါဟာ တစ်နည်းအားဖြင့် Performance Art တစ်မျိုးပဲ။

“စော ပြန်ကြဖို့ ကောင်းပြီ ထင်တယ်၊ နှစ်နာရီ ထိုးနေပြီ”

“ခဏလေး... ဒီတစ်လုံး ကြည့်ပြီးရင် ပြန်မယ်”

သူ့ကို “မောင်” ဟူသော အသုံးအနှုန်းဖြင့် ဆက်ဆံလို့ မရခဲ့သည်မှာ နှစ်နှစ်ကြာခဲ့တာလား၊ သုံးနှစ်ကြာခဲ့တာလား စောကောင်းကောင်း မမှတ်မိတော့ချေ။ သူ့အတွက် စောသည် လူသားတစ်ယောက် အတွက်မဟုတ်တော့ဘဲ ဇနီးအဖြစ် ထီထွင်ခံရသည့် စက်ရုပ်တစ်ခုသာ ဖြစ်တော့သည်။ လိမ္မာယဉ်ကျေး ပြနေသည့် စက်ရုပ်ကလေး တစ်ခုဖြစ်သည်။ တစ်ခါတုန်းက အဲသည့် စက်ရုပ်သည် ချစ်မြတ်နိုးတတ်၊ ကြင်နာတတ်သော ဇနီးဖြစ်ခဲ့သတဲ့။ စော သူ့ကို ဘာကြောင့်များ ချစ်ခဲ့မိပါလိမ့်။

ညသန်းခေါင်ကျော် ကာလ၊ အမှောင်ထု သိပ်သည်းနေဆဲ အချိန်မှာ စောသည် သူမယောက်ျားအား စေ့စေ့စပ်စပ် မော်ကြည့်လိုက်မိသည်။ စော သူ့ကို ဘာတွေ ချစ်မိခဲ့တာလဲ။ သူ့မျက်နှာမှာ၊ သူ့ ဟန်အမှုအရာမှာ စောချစ်ချင်စရာ ဘာမှကို ရှာမတွေ့ချေ။ စော ကိုယ့်ကိုယ်ကိုယ် သဘောကျစွာ အသံထွက် ရယ်လိုက်မိ၏။ ဟုတ်ပြီ။ သူ့အမှုအရာ အကျင့်ကရော၊ ဇနီးအပေါ်ထားသည့် စိတ်သဘောထားကရော။ Bull Shit! လို့ ပြောရမလား၊ Damn it! လို့ ပြောရမလား။ ဘယ်စကားလုံးက ပိုယဉ်ကျေးပါလိမ့်။

“ဘာရယ်တာလဲ စော”

သူမ ပို၍သာ ရယ်မိပြီး မီးပုံးပျံဆီသို့ အကြည့် ပြန်လွှဲလိုက်သည်။ မီးပုံးပျံကြီးက တဖြည်းဖြည်း ပီပြင်လာပြီ။ တဖြည်းဖြည်း ဖောင်း၍ ဖောင်း၍လာသည်။ တစ်ချက်တစ်ချက်တွင် မီးခိုးမှိုင်းများသည် မီးပုံးပျံထဲမှတစ်ဆင့် လေဝေ့ရာသို့ လွင့်နေသည်။ ကပြနေသူတို့က မမောနိုင်၊ မပန်းနိုင် က ဆဲ၊ တီးသူတို့ကလည်း တီးဆဲ၊ အိုးစည်သံနှင့် မောင်းသံသည် လှပစွာ ရောနှောလျက် ကွင်းတစ်ခုလုံး ပျံ့လွင့် စိုးမိုးထားသည်။

စောသည်ကို ရောက်စက အင်းသားနှင့် ပအိုဝ့်ကို မခွဲခြားတတ်ပေ။ အ၀တ်အစားအရ သော်လည်းကောင်း၊ စကားပြော လေယူလေသိမ်းအရ သော်လည်းကောင်း၊ အကဟန် အရ သော်လည်းကောင်း အနည်းငယ် ကွဲပြားကြောင်း လေး ငါးရက်နေပြီးမှ သိလာသည်။ နှစ်မျိုးလုံးဟာ စောအတွက် စိတ်ဝင်စားစရာချည်း ဖြစ်နေ၏။

“ပအိုဝ့်လေးတွေ လက်ချိုးတာက ဟောဒီလို ဟောဒီလို၊ သိပ်ချစ်စရာကောင်းတာပဲ” ဟု ကထိန်လှည့်လာသည့် ပွဲကို ရပ်ကြည့်ရင်းက အားကျလာပြီး သူတို့လက်ချိုးသလို ချိုးကြည့်ကာ က ကြည့်တော့ သူမယောက်ျားက သူ့ကို ပြုံးမဲ့မဲ့ဖြင့် ရိသေး၏။

“စော .... မင်း ကိုယ့်ကို မယူဘဲ ပအိုဝ့်တစ်ယောက်ကို ယူခဲ့ဖို့ ကောင်းတယ်လို့ တွေးနေပြီ မဟုတ်လား”

တွေ့လား၊ စော သူ့ကို မနှစ်မြို့ရခြင်း အကြောင်း အကြောင်းများစွာထဲမှာ သူတစ်ပါးကို နာလိုခံခက်ဖြစ်အောင် ရိတတ်သည့် အကြောင်းလည်း တစ်ခု အပါအ၀င်ဖြစ်သည်။ အမယ်.... သူကသာ သူတစ်ပါးကို စသလို နောက်သလို ရိချင်ပေမဲ့ သူ့ကို ရိသလိုလို ပြောလျှင် မချိအောင် နာကာ ဒေါပွတတ်သေး၏။

“ပအိုဝ့် တစ်ယောက်ကို ယူတာ မယူတာ အသာထားလိုက်ပါလေ၊ ရှင့်ကိုတော့ ကျွန်မ ယူကို ယူခဲ့ဖို့ မကောင်းတာ အမှန်ပဲ”

ထိုစကားကို မျက်နှာထား တည်တည်ဖြင့် ပြောမိတော့ သူ့မျက်နှာမည်းခနဲ မှောင်သွားတာ အကြာကြီး၊ သူ့စိတ်ကို သူ ထိန်းချုပ်ကာ စကားပြောဖို့ စက္ကန့်သုံးဆယ်လောက် အချိန်ယူလိုက်၏။ ထို့နောက် ပြုံးချင် မပြုံးချင်

“အခုတော့ မင်းနောက်ကျသွားပြီ” ဟု အထက်စီး လေသံဖြင့် ပြောလေသည်။

စောလေ .... သူ့ကို မုန်းလိုက်တာ၊ မုန်းလွန်းလို့လည်း စေ့စေ့ကြည့်ပြီး တစ်ခွန်းပဲ ပြန်ပြောမိသည်။

“ထင်သလား၊ နောက်မကျသေးပါဘူး”

ဟုတ်ပါသည်။ အိမ်ထောင်ရေးတစ်ခုကို ပြန်ပြင်ဖို့ သို့မဟုတ် ဖြိုခွဲပစ်ဖို့မှာ နောက်ကျတယ်ဆိုတာ မရှိပါ။ အခု နှစ်နှစ်၊ သုံးနှစ်အတွင်း သူမ အချိန်ယူ စဉ်းစားပြင်ဆင်နေသည်မှာ အိမ်ထောင်ရေးကို အဆုံးသတ်သင့် မသတ်သင့် မဟုတ်ပါ။ အိမ်ထောင်ရေးကို နှစ်ဦးနှစ်ဖက် အနာတရ ကြီးကြီးကျယ်ကျယ် မဖြစ်ဘဲ လှပစွာ၊ သိမ်မွေ့စွာ ဘယ်လို အဆုံးသတ်ပစ်ရမလဲ ဟူသည့် အကြောင်းပင်ဖြစ်သည်။

“လေက အရှေ့တောင် အရပ်ကနေ အနောက်မြောက် အရပ်ကို တိုက်ခတ်နေတာ ဖြစ်ပါတယ်။ ပွဲကြည့် ပရိသတ်များ ခင်ဗျား၊ အနောက်မြောက် အရပ်မှာ မနေကြပါနဲ့ ခင်ဗျား၊ မီးပုံးပျံ မှိုင်းဝနေပါပြီ ခင်ဗျား”

စောတို့ ရပ်နေရာ အရပ်မှာ တောင်အရပ် တည့်တည့်ဖြစ်သည်။ အန္တရာယ် ကင်းမည့်ပုံ ပေါ်ပါသည်။ အနောက်ဘက် အရပ်၊ မြောက်ဘက်အရပ်မှာ စုပြုံရပ်နေကြသူများ ရုတ်ရုတ်သဲသဲ ဖြစ်သွားသည်။ သည်လိုတော့လဲ တွက်လို့ မရနိုင်ပါ။ အခုမှ မီးပုံးပျံက မှိုင်းဝကာ ရုပ်လုံး ပီပြင်သွာ တက်ဖို့ အရှိန်ယူနေဆဲ ဖြစ်သည်။ တစ်ခဏအတွင်းမှာပင် လေသည် အရပ်မျက်နှာ ပြောင်းကာ တိုက်ချင် တိုက်ပစ်လိုက်နိုင်၏။ ထိုအခါ ကျွန်မတို့ ရပ်နေရာသည် အန္တရာယ်ဇုန် ဖြစ်ချင် ဖြစ်သွားနိုင်သေးသည်။

“ရွှေအင်းသား မှိုင်းဝနေပါပြီ ခင်ဗျား။ တက်လာပါတော့မယ် ခင်ဗျား၊ ယမ်းပိဿာချိန် လေးဆယ်တိတိ ဖြစ်ပါတယ် ခင်ဗျား၊ မီးပုံးပျံ လမ်းကြောင်းမှာ မနေကြပါနဲ့ ခင်ဗျား”

ယမ်းပိဿာချိန် ၄၀ သာ ပေါက်ကွဲလိုက်လို့ကတော့....။ စောပုခုံးလေး ကျုံမိ၏။ ဈေးဆိုင်တန်းများဆီမှ အသားကင် ရနံ့သည် ကွင်းပြင်ဆီသို့ လွင့်လာပြန်သည်။ ဆိုင်းတန်းတွေဆီ လှည့်ကြည့်မိတော့ လူတွေ နည်းနည်း ကျဲသွားပြီ။ ဒါပေမဲ့ နံနက် နှစ်နာရီထိအောင် စားသောက်သူများ ရှိနေဆဲ။ စောဖြင့် သည်လောက် ရှည်လျား များပြားလှသော ဈေးဆိုင်တန်းကြီးကကို တစ်ခါမှ မတွေ့ဖူးပေ။ ဤကွင်းပြင်ရှိရာသို့ ရောက်ဖို့ ဘုရားစောင်းတန်း အုတ်လှေကားထစ်များမှ ဆင်းပြီးနောက် ထိုဈေးဆိုင်တန်းကို ထောင့်ဖြတ် ဖြတ်ယူရသည့် အချိန်တုန်းက စော၏ ခြေထောက်တို့သည် မြေနှင့် ထိတစ်ချက် မထိတစ်ချက် ဖြစ်နေခဲ့သည်။ ဆိုင်တန်း မျက်နှာစာကို ကြည့်ပေမဲ့ မမြင်ရ။ ဘေးမှာ ပတ်လည်မှာ စောလိုပင် ပွဲကြည့်ပရိသတ်၊ ပွဲဈေးတန်းလျှောက် ပရိသတ်တို့ဖြင့် အပြည့်မို့ ကြည့်လေရာရာမှာ လူမျက်နှာတွေ၊ မည်းနက်သော ဆံပင်တွေချည်း မြင်နေရသည်။ နည်းနည်း လူချောင်သည့် ဆိုင်တန်းများကို ဖြတ်မိမှ ဘာဆိုင်တွေလဲဆိုတာ မြင်ရသည်။

အခုလို နံနက်နှစ်နာရီ ချမ်းစိမ့်အေးစက်လှသည့် နှင်းမှုန်အောက်တွင် မီးပုံးပျံ စောင့်ကြည့်လိုက်၊ အနီးအနားက ဆိုင်တွေဆီ သွားစားသောက်လိုက်နှင့် သည်ဒေသက လူတွေရဲ့ ဓလေ့ထုံးစံပဲနှင့် တူသည်။ စောအနေဖြင့် ချမ်းစိမ့် တုန်ခိုက်နေသည့် ကိုယ်ခန္ဓာကြောင့် ပူနွေးသည့် ကော်ဖီခါးခါး မွှေးမွှေးလေး တစ်ခွက်တော့ သောက်ချင်သား။ သို့သော် ဆိုင်တန်းဆီ သွားနေတုန်း သည်မီးပုံးပျံ ကောင်းကင်ရောက်သွားသည်ကို မကြည့်လိုက်ရမှာလည်း စိုးရိမ်သည်။ နောက်ပြီး ဆိုင်မှာ ထိုင်မသောက်ချင်။ ကော်ဖီခွကို လက်နှစ်ဖက်ကြားမှာ အုပ်ကိုင်ကာ ကော်ဖီခွက်၏ အပူကို တစ်ကိုယ်လုံး စိမ့်ဝင် နွေးထွေးသွားအောင် ခံစားရင်း၊ လမ်းလျှောက်ရင်း သို့မဟုတ် မတ်တပ်ရပ်ကာ မီးပုံးပျံစောင့်ရင်း ကော်ဖီသောက်ချင်နေသည်။ သူမ၏ အတွေးကို မဟုတ်သေးဘူး ဟု သိ၏။ တောင်ကြီးလို သန့်ရှင်းသပ်ရပ်သည့် မြို့မှာတော့ ကိစ္စမရှိပါ။ တစ်ခြားသာမန်မြို့ကြီးတွေမှာတော့ ပြန်ဆေးယူရသည့် ကြွေခွက်တွေ၊ ဖန်ခွက်တွေနှင့် ကော်ဖီ လက်ဖက်ရည် ရောင်းနေလျှက်သားနှင့် အမှိုက်တွေ၊ ဘူးခွံတွေနှင့် ညစ်ပတ်ရှုပ်ပွ နေခဲ့ပြီးပါပြီ။ သူမဆန္ဒရှိသလို ကော်ဖီကို တစ်ခါသုံး စက္ကူခွက်ဖြင့် ဟိုဟိုသည်သည် လမ်းလျှောက်ရင်း၊ အလုပ်လုပ်ရင်း သောက်နိုင်ဖို့ စက္ကူခွက် ယဉ်ကျေးမှုတစ်ခု ခေတ်စား အသုံးများလာခဲ့လျှင် အပုံလိုက် အပုံလိုက် ဖြစ်လာမည့် တစ်ခါသုံး စက္ကူခွက်တွေကို မြင်ယောင်ကြည့်မိသည်။ မနည်း မနောရှိမှာပဲ။

အိုးစည် ဗုံမောင်းသံက ပို၍ ပို၍ ကျယ်လောင် မြိုင်ဆိုင်လာသည်။ လူတွေ ပို၍ ပို၍ တိုးဝှေ့လာကြသည်။ မီးပုံးပျံ စတင်တက်နေပြီ။ အားပါးတရ အော်ဟစ်သံဖြင့် တစ်ခဏ ဆူညံသွား၏။

“တို့ အင်းဆားကွ”

“အင်းသား” ဟု အသံမထွက်ဘဲ “အင်းဆား” ဟု ခပ်ဝဲ၀ဲ အသံထွက်ဖြင့် အော်ဟစ်အားပေးသံကို ကြားလိုက်ရသည်။ ဆိုင်းသံ ဗုံသံအောက်မှာ အိမ်လောက်ကြီးသည့် မီးပုံးပျံကြီးသည် ယိမ်းထိုးလျက် တရွေ့ရွေ့တက်လေသည်။ မီးပုံးပျံ၏ အောက်မှာ စနစ်တကျ ချိတ်ဆွဲထားသော ယမ်းခွက် အမျိုးမျိုးသည် ယိမ်းနွဲ့လျက် တွဲလောင်းပါသွားသည်။ မီးပုံးပျံကို မှိုင်းတိုက်ခဲ့သော သစ်လုံးကြီးများအား မီးစွဲလောင်နေ လျက်သားနှင့် ငြိမ်းသတ်ဖို့ ကွင်းပြင်တစ်ဖက်သို့ အပြေးအလွှား သယ်သွားကြသည်။ ကွင်းပြင်တစ်ခုလုံး လူတွေ ရွစိရွစိ ဖြစ်နေကြသည်။

မီးပုံးပျံတစ်ခု ကောင်းကင်ကို လွတ်လွတ်ကျွတ်ကျွတ် တက်သွားဖို့ သူတို့အားလုံး တတ်စွမ်းသမျှ ကြိုးစားခဲ့ကြ ပြီးပြီ။ ကျန်သည့် အပိုင်းကတော့ ကံကြမ္မာ၏ အလုပ်ပဲဖြစ်သည်။ တစ်နည်းအားဖြင့် လေ၏အလုပ်ပေါ့။ လေသည် အရှိန်မှန်မှန်ဖြင့် မီးပုံးပျံကို အထက်မြင့်ရာသို့ တစ်လက်မချင်း တစ်လက်မချင်း သယ်သွားလိမ့်မည်ဟု မျှော်လင့်ရသည်။

လေ၏ အကူအညီဖြင့် မီးပုံးပျံများ လွှတ်တင်သည့်အခါ အဖွဲ့သား အားလုံးကတော့ မီးပုံးပျံ လွှတ်တင်ခြင်း အတတ်ပညာအရ တည့်တည့်မှန်မှန် တက်အောင် ထိန်းချုပ် လွှတ်တင်ကြတာချည်းပါပဲ။ တစ်စုံတစ်ခု ချွတ်ချော်ပြီး ကောင်းကင်သို့ မတက်ဘဲ မီးလောင်ပျက်စီး သွားရတာတွေလည်း ရှိနေခဲ့သည်။ မီးလောင်ပျက်စီးမှုချင်း အတူတူဆိုလျှင် “ ညမီးကျီး” အမျိုးအစား မီးပုံးပျံက မီးလောင်လျှင် ယမ်းပိဿာချိန် များစွာ ပေါက်ကွဲလောင်ကျွမ်းမှာပဲဖြစ်သည်။ ပို၍ အန္တရာယ်ကြီးသည်ဟု ဆိုပါစို့။

အခုလွှတ်တင်နေကြသော မီးပုံးပျံများတွင် အမျိုးအစား နှစ်ခု ကွဲပြား၏။ တစ်ခုက “ စိန်နားပန်” ဟုခေါ်သော အလှချိတ်ဆွဲ တန်ဆာဆင်ရုံသက်သက် မီးပုံးပျံ အမျိုးအစား၊ နောက်တစ်ခုက “ညမီးကျီး” ဟုခေါ်သော မီးရှူးမီးပန်း ဖောက်သည့် အမျိုးအစား။

စော၏ ယခု နှစ်ည သုံးည မီးပုံးပျံကြည့်ရသည့် အတွေ့အကြုံအရ ပြောရလျှင် “ညမီးကျီး” မီးပုံးပျံက ပို၍ စိတ်လှုပ်ရှားစရာ ကောင်းသည်။ သူက ကောင်းကင်အမြင့်သို့ ရောက်သောအခါ တစ်ဆင့်ပြီး တစ်ဆင့် အမျိုးမျိုး ကွဲပြားစွာ၊ လှပစွာ ပေါက်ကွဲပြလေသည်။

ဘေးပတ်ဝန်းကျင် လေထုထဲ၊ အမှောင်ထဲသို့ တည့်တည့်ထိုးဖောက်ဖြာထွက်သော မီးရှုးမီးပန်းများက တစ်ဆင့်၊ ထို့နောက် ငါးကလေးတွေ ရေမှာ လွန့်လူး ကူးခတ်သလို လှစ်ခနဲ လှစ်ခနဲ ဖြာထွက်သော မီးရှူးမီးပန်းများက တစ်ဆင့်၊ ထို့နောက် ခိုကလေးတွေ ပျံသန်းသွားသလို မီးရှူးမီးပန်းကလေးများ လေမှာ ဝေ့၀ဲပျံတက်ကာ လောင်ကျွမ်းစေသည့် ခိုပျံဟု အမည်ရသော ပေါက်ကွဲမှု အမျိုးအစားကလေးများက တစ်ဆင့်။ ကောင်းကင်သို့ တောက်ပသော မီးပုံးပျံကြီး တက်နေသည့် အချိန်အတွင်း နောက်ထပ် ဆင့်ကဲဆင့်ကဲ ရောင်စုံဖြာထွက်သော မီးရှူးမီးပန်း လှလှများ၏ ပုံစံအမျိုးမျိုး၊ လှပဆန်းကြယ်မှု အမျိုးမျိုးကို စုစည်း ရောနှောကာ မြင်ရကြည့်ရသည်မို့ ပြည့်စုံစွာ စိတ်လှုပ်ရှားစေတတ်သည်။

အဲသည် အဆင့်ဆင့်သော မီးရှူးမီးပန်းများကို စနစ်တကျ လှပစွာ ပေါက်ကွဲအောင် တွက်ချက်ပြီး တပ်ဆင်ယူရသည့် အတတ်ပညာကလည်း တော်တော် ချီးကျူးဖို့ ကောင်းပါသည်။

“လေကြောင်း ပြောင်းသွားပါတယ်ခင်ဗျား၊ ပရိသတ်များ သတိထားကြပါ။ မီးပုံးပျံရဲ့ အောက်တည့်တည့်မှာ မနေကြပါနဲ့ ခင်ဗျား”

မီးပုံးပျံကြီးသည် ဘေးတိုက်ရွေ့လျားလျှက် အကဲဖြတ်လူကြီးများ ထိုင်ကြည့်ရာ ပွဲကြည့်စင်၏ အနောက်ဘက်သို့ ယိမ်းထိုးပါသွားသည်။ လူတချို့ အော်ဟစ်ကာ ပြေးလွှားနေကြသည်။ မီးသတ်ကားသည် အဆင်သင့် စက်နှိုးကာ ကွင်းပြင်ဆီသို့ ဦးတည်ထားရာမှ စတင်မောင်းထွက်လေသည်။

“မီးသတ်ကားရဲ့ ရှေ့တည့်တည့်မှာ မနေကြပါနဲ့ ခင်ဗျား၊ လွတ်ရာကို ရွှေ့ပေးကြပါ ခင်ဗျား”

မီးပုံးပျံကြီးဆီမှ အုန်းခနဲ ပေါက်ပွဲသံတစ်ချက် ကြားလိုက်ရသည်။ ဝေါခနဲ အော်ဟစ်သံများ ကြားရသည်။ စော၏ ဘေးနားက လူတွေ အထိတ်တလန့် ပြေးရာ၊ စောသည် ထိုလူအုပ်နှင့်အတူ ကပ်ငြိပြီး ရွေ့သွားသည်။

“စော”

သူ့အသံသည် အထိတ်တလန့် အော်ဟစ်နေသော လူအုပ်အသံနှင့် ရောထွေးသွား၏။ စောတို့ရပ်နေသော ကွင်းပြင်သည် ညီညင်သော မြေပြင် မဟုတ်။ အနည်းငယ် စောင်းနိမ့်သွားသော ဆင်ခြေလျှော မြေပြင်ဖြစ်သည်။ ထို့ကြောင့် ပြေးလွှားရင်းမှ အရှိန်မထိန်းနိုင်ဘဲ စော တစ်ချက် ခြေခေါက်ကာ လဲကျသွားသည်။ လူတွေသည် စော၏ ခြေတွေ၊ လက်တွေပေါ်သို့ အမှုမဲ့ အမှတ်မဲ့ တက်နင်းပြေးကြ၏။ နာကျင်မှုနှင့် ထိတ်လန့်မှု ပေါင်းစပ်ကာ လဲရာမှ ဇွတ် ထ ထိုင်ဖို့ ကြိုးစားဆဲ လက်တစ်ဖက်က စော၏ ပုခုံးမှ ဆွဲညှစ်ကာ ထူမပေးလိုက်သည်။

“ကျေးဇူး....”

ကျေးဇူးတင်စကား ဆိုဖို့ အာရုံသိစတ်ဖြင့် စကား စလိုက်ပေမဲ့ ထိုသူက စောကို လက်မောင်းရင်းမှ တင်းတင်းဆုပ်ကာ သူ့နောက်ဘက်သို့ တွန်းပို့ပြီး အကာအကွယ် ပေးလိုက်သဖြင့် စကားစ ပြတ်သွားသည်။ ရုတ်ရုတ်သဲသဲ လူအုပ်ကို ရှောင်ရင်း၊ မတ်မတ်ရပ် တွန်းခံရင်း အမှောင်တစ်ဝက်၊ အလင်းတစ်ဝက်အောက်မှာ မြင်လိုက်ရသော မျက်နှာကတော့ မျက်ခွံမို့မို့နှင့် နုနယ်သေးသော လူငယ်တစ်ဦး၏ မျက်နှာပဲ။ ရှမ်းလား၊ အင်းသားလား၊ ပအိုဝ့်လား။ တောင်ပေါ်တိုင်းရင်းသား လူမျိုးမှန်းတော့ သိသည်။

“ကျေးဇူးတင်ပါတယ်”

ထိုစကားကို သူကြားပုံ မရ။ သူ့အာရုံသည် သူ့လက်မောင်းမှ တင်းတင်း ဆွဲဆုပ်ထားမိသော မိန်းမထံမှာ ရှိမနေတာ သေချာသည်။ သူ့အာရုံသည် တစ်ဖက်မှ ပေါက်ကွဲပျက်စီးကာ မီးလောင်နေပြီဖြစ်သော မီးပုံးပျံကြီးထံ ရောက်နေသည်။ မြေပြင်အထက် ပေ ၁၀၀ - ၂၀၀ မှာ ပေါက်ကွဲ ပျက်စီးခြင်းဖြစ်၍၊ မီးတောက်မီးလျှံများ နေရာအနှံ့မှာ ရှိနေသည်။ ကွင်းပြင်ရှိ ပရိသတ်သည်လည်း ကွင်းလယ်မှာ မရှိကြတော့ဘဲ ဘေးပတ်လည်မှာ ကပ်နေကြပြီ။ သစ်ပင်နှစ်ပင် မီးလောင်နေသည်။ ယမ်းနံ့များ မွှန်ထူနေ၏။ ပတ်ဝန်းကျင်တစ်ခုလုံး မီးခိုးမှိုင်းများဖြင့် မှောင်နေ၏။

နောက်ထပ်ကြီးမားသော ပေါက်ကွဲသံကြီးတစ်ခု ထပ်ကြားရပြန်သည်။ ထိုပေါက်ကွဲသံကြောင့် တိုင်းရင်းသားလူငယ်သည် သူမ၏ လက်ကို လွှတ်လိုက်ပြီး မျက်နှာဆီ လွင့်စဉ်လာနိုင်ဖွယ် မရှိသော မီးစ၊ ယမ်းစများကို ကာကွယ်ဟန်ဖြင့် လက်ကို မျက်နှာရှေ့မှာ အမှတ်မဲ့ ကာလိုက်လေသည်။ ထို့နောက် လူငယ်က ကြိတ်မနိုင် ခဲမရဟန်ဖြင့် တောက်တစ်ချက် ခေါက်သည်။

“သွားပြီကွာ”

လူငယ်သည် ရွှေအင်းသား အဖွဲ့ထဲမှ ဟုတ်ဟန်တော့ မတူပါ။ သို့သော် မီးပုံးပျံကြီး ပေါက်ကွဲ ပျက်စီးသွားသည့်အတွက် သူခံစားနေရဟန်ရှိသည်။

“ဒီကောင်ကြီးသာ အောင်အောင်မြင်မြင် တက်သွားလို့ကတော့ ကြည့်လို့ ကောင်းလိုက်မယ့် မြင်ကွင်း... ”

စော၏ အနီးမှာ အားရပါးရ ညည်းညူလိုက်သံ တစ်ခုကိုလည်း ကြားရသည်။ ပရိသတ်သည် ယခုအခါ ထိတ်လန့်တုန်လှုပ်မှုမှ ကင်းလွတ်ခဲ့ပြီ။ စိတ်ဆင်းရဲမှု၊ အားမလို အားမရဖြစ်မှုတို့နှင့် မီးပုံးပျံကြီးအား တဖွဖွ တ သ နေကြသည်။ ကံအားလျော်စွာ မီးလောင် ပေါက်ကွဲမှုသည် ကွင်းတစ်ဖက်က ငှက်ပျောပင်အုပ်ဆီမှ ဖြစ်ပေါ်ခဲ့သဖြင့်၊ ပရိသတ်ထဲမှ အသေအပျောက် လုံးဝ မရှိခဲ့ဘဲ မီးဟပ်သူ၊ ဒဏ်ရာရသူ အနည်းအကျဉ်းသာ ရှိခဲ့သည်။

“မီးပုံးပျံတိုင်းဟာ ကောင်းကင်ထိ တက်ချင်မှ တက်နိုင်မှာပေါ့၊ အောင်မြင်မှုဆိုတာ ဒီလိုပါပဲ၊ မျှော်လင့်တိုင်း မရကြပါဘူး” တစ်ယောက်ယောက်က တစ်ယောက်ယောက်ကို အားပေးနေသံ ကြားရသည်။

သို့သော် ပွဲကြည့်စင် အခြေမှာတော့ အသံထွက် ငိုကြွေးနေသူ တစ်ယောက်ရှိသည်။

“ဆယ့်ငါးရက်လုံးလုံးပါပဲ၊ ကျွန်မတို့ မနားမနေ အလုပ်လုပ်ခဲ့ကြတာ”

ငိုကြွေးနေသည့် လူငယ်လေးဘေးမှ ခြေပစ်လက်ပစ် ထိုင်နေသော မိန်းကလေးက ရေရွတ်နေ၏။

“တစ်ခါတလေ ဒီလိုပါပဲ ငါ့ညီရာ၊ စိတ်ကို ဖြေပါ”

ယောက်ျား ခပ်လတ်လတ် တစ်ယောက်က ငိုနေသော လူငယ်၏ ပုခုံးကို ပုတ်သည်။

“တစ်ခါတလေ ဟုတ်လား။ တစ်နှစ်လုံးလုံး တည်ဆောက်လာခဲ့ရတဲ့ မျှော်လင့်မှုတွေထဲမှာ တစ်ခါတလေဆိုတာ ဘယ်နေရာမှ မပါခဲ့ဘူး”

“တစ်နှစ်မှာ တစ်ခါတည်းသာပါပဲ”

မကျေမနပ် ရေရွတ်သံကို ကြားရသည်။ စောသူု့ကို သွားဖျောင်းဖျချင်စိတ် ပေါ်နေ၏။

ချာတိတ်ရယ်၊ တစ်နှစ်မှာ တစ်ခါသာ ဆိုတဲ့ မျှော်လင့်မှုအောက်မှာ ဆုံးရှုံးရတာဟာ ဘ၀မှာ တစ်ခါသာပါ ဆိုတဲ့ မျှော်လင့်မှုအောက်မှာ ဆုံးရှုံးရသလောက် မနာကျင်နိုင်ပါဘူးကွယ်။ နောက်နှစ်ဆိုတာ ရှိပါသေးတယ်။ အေးလေ... နောက်နှစ်အထိ အခြေအနေ ပေးလာခဲ့သေးရင်ပေါ့။ စောသူ့ကို ငေးစိုက်ကြည့်နေမိသည်။ မျှော်လင့်ချက်တွေ ပြိုကွဲ ပျက်စီးသွားသူ တစ်ယောက်၏ မျက်နှာမှာ နာကျင်မှုတွေ အပြည့်ပါ။

“စော”

သူမ ယောက်ျား၏အသံ။ သူမ လှည့်ကြည့်လိုက်သောအခါ လူတွေကြားထဲမှာ တိုးဝှေ့လာသော သူမ ယောက်ျားကို တွေ့လိုက်ရသည်။

“ရှာလိုက်ရတာ စောရယ်”

သူ အနီး ရောက်လာပြီး စော၏ လက်တစ်ဖက်ကို လှမ်းဆွဲလိုက်သည်။

“ကိုယ်တို့ချင်း ကွဲသွားရင် ဘယ့်နှယ်လုပ်မလဲ၊ မင်း ကိုယ့်လက်ကို တွဲထားခဲ့ဖို့ ကောင်းတယ်”

“ကျွန်မ ဟိုတယ်ဆီ ပြန်တတ်ပါတယ်”

“မင်းကို ပြောလိုက်ရင် အဲဒီလိုချည်းပဲ၊ လာ.. ပြန်ကြစို့၊ အေးလည်း အေးလှပြီ။ ခုဟာက ကံကောင်းလို့ မသေတာ”

ထို့နောက် သူသည် အငိုတိတ်စ ပြုနေပြီဖြစ်သော၊ အံတင်းတင်း ကြိတ်ထားသော ရွှေအင်းသား လူငယ်ဆီ မျက်လုံးရောက်သွား၏။ ယောက်ျားတစ်ယောက်၏ အငိုမျက်နှာကို သူမကြည့်ချင်၊ မမြင်ချင်သလိုပင် မျက်နှာလွှဲလိုက်သည်။

“သနားပါတယ်နော်”

စော သူနှင့်အတူ လိုက်လာရင်း ရေရွတ်မိတော့ သူက စောအား လိုက်လျောဟန်ဖြင့် ခေါင်းတစ်ချက် ညိတ်သည်။

“အေးလေ... နှစ်သိန်းကြီးများတောင်”

စော သူ့ကို ဖျတ်ခနဲ မော့်ကြည့်မိသည်။ ဒီဆုံးရှုံးမှုမှာ ငွေနှစ်သိန်းဟာ အဓိက မကျဘူး။ သို့သော် ဤခံစားချက်ကို သူနားလည်မည့်ပုံ မပေါ်သဖြင့် စော တိတ်တိတ်ပဲ နေလိုက်သည်။

“မအေးဘူးလား စော”

“အင်း.... ခုမှ အေးမှန်းသိတော့တယ်”

“ကိုယ်တော့ ခိုက်ခိုက်တုန်နေပြီ”

မနက်ဖြန် စောတို့ ပြန်ကြတော့မည်။ ၅ ရက်ကြာ ခွဲခွားထားခဲ့သော သမီးလေးဆီ ပြန်ကြတော့မည်။ သမီးလေးအတွက် တိုင်းရင်းသား ၀တ်စုံလေးတစ်စုံ လက်ဆောင်ပါလာသည်။ သူမ စိတ်မှတ်မထင် ပြုံးမိသွား၏။

“အခု ဆက်လက် ပြိုင်ပွဲဝင်မယ့် အဖွဲ့ကတော့ ဖိုးသာထူးအဖွဲ့ ဖြစ်ပါတယ်။ ဖိုးသာထူးအဖွဲ့က လွှတ်တင်မယ့် မီးပုံးပျံ အမျိုးအစားဟာလည်း “ ညမီးကျီး” ပဲဖြစ်ပါတယ်”

သြော်... အခုဟာ ရိုးရိုး မီးပုံးပျံ လွှတ်နေတာ မဟုတ်၊ ပြိုင်ပွဲလုပ်နေတာ ပါလားဟု သတိရသွား၏။ ရွှေအင်းသား အဖွဲ့၏ ဆုံးရှုံးမှုများမှ ထင်တာထက် ပို ကြီးမားပါလိမ့်မည်။

အချိန်ကာလ၊ ငွေကြေး၊ ဂုဏ်သိက္ခာ၊ စည်းလုံးမှုအင်အား၊ ယုံကြည်ခံရမှု နာမည်၊ စိုက်ထုတ်လိုက်ရသည့် ခွန်အား၊ အားလုံးထက် ပို၍ ဆုံးရှုံးလိုက်ရသော အရာမှာ မျှော်လင့်ချက် ဖြစ်ပါလိမ့်မည်။

“ကိုယ် နားမလည်တာက ဒီငွေတွေကို မီးပုံးပျံ လုပ်ပြီး မီးရှို့ပွဲ ကျင်းပတော့မယ်လို့ ဆုံးဖြတ်ပြီးတဲ့ နောက်တော့ မီးလောင်ပေါက်ကွဲတာဟာ ဘာခံစားစရာ ရှိသေးလဲ။ ကောင်းကင်အမြင့်ကျမှ ပေါက်ကွဲကွဲ၊ မြေပြင်နဲ့ နီးနီးပဲ ပေါက်ကွဲ ပေါက်ကွဲ၊ ပျက်စီးတာတော့ ပျက်စီးသွားတာပဲ။ ဒါဟာ ဘာထူးခြားလို့လဲ၊ လူတွေ အန္တရာယ် မရှိရင် ပြီးတာပဲ မဟုတ်လား”

“ထူးခြားတာပေါ့”

“ဘာ ထူးခြားတာလဲ”

ဘုရားစောင်းတန်း ရှိရာသို့ လျှောက်လာရင်း စောသည် မီးပုံးပျံ ကွင်းပြင်ဆီသို့ တစ်ချက် ပြန်ကြည့်မိ၏။ တစ်ယောက်ယောက်က ဤအဖြေကို စောထက် ပို၍ ရှင်းပြပေးနိုင်ကောင်း ပေးနိုင်လိမ့်မည်။

“မီးပုံးပျံ လွှတ်တယ် ဆိုကတည်းက တစ်ချိန်မှာတော့ ဆုံးရှုံးပျက်စီးမှာ ဆိုတာ မှန်ပါရဲ့။ အခုလို ညမီးကျီး မီးပုံးပျံမှာတော့ စိန်နားပန်ထက် မျှော်လင့်မှု ပိုတယ်။ စိန်နားပန်မှာက အောင်အောင်မြင်မြင် လွှတ်တင်နိုင်ဖို့ တစ်ခုပဲ။ ညမီးကျီးမှာက အောင်အောင်မြင်မြင် လွှတ်တင်ဖို့က တစ်ဆင့်၊ မီးရှူးမီးပန်းလေးတွေ ကိုယ်လိုချင်သလို လှလှပပ တစ်မျိုးပြီး တစ်မျိုး ပေါက်ကွဲဖို့က နောက်တစ်ဆင့်။ အခုလို ဘာမှ မရလိုက်ဘဲ အလဲလဲ အကွဲကွဲ ပျက်စီးဆုံးရှုံးသွားရတာက ရင်နာစရာကြီးပါ။ ဘယ်သူမဆိုလေ... ဂုဏ်သိက္ခာရှိရှိ၊ က္ကုနြေ္ဒရရ လှလှပပလေး ပေါက်ကွဲ အဆုံးသတ် သွားချင်တာချည်းပါပဲ”

စော၏စကားကို သိပ်နားလည်ပုံ မပေါ်ပါ။ စော ညံ့တာပဲဖြစ်ပါလိမ့်မည်။

“ကျွန်မလည်း ဘ၀နဲ့ ရင်းပြီး ညမီးကျီးမှ လွှတ်တင်တော့မယ်ဆိုရင် အထိတ်အလန့် အလဲလဲ အကွဲကွဲတော့ အဆုံး မသတ်သင့်ဘူး။ လှလှ ပပ သိက္ခာရှိရှိလေး... ”

သူရယ်မောသည်။

“မီးပုံးပျံနဲ့ မင်းနဲ့ ဘာဆိုင်လို့လဲ”

“သမီးလေး မြန်မြန် ကြီးပြင်းစေချင်လှပြီ”

သူမ ညည်းညည်းကလေး ပြောရင်း စကားကို အဆုံးသတ်လိုက်မိ၏။ လောကတစ်ခုလုံးမှာ သူမ ဂရုစိုက်ဆုံး အရာမှာ သမီးလေး၏ စိတ်ခံစားမှုပဲ ဖြစ်သည်။

ဂျူး (မဟေသီ၊ သြဂုတ် ၂၀၀၀)

ကြော်ညာပါရစေ

ကြော်ညာတာ ၀ါသနာပါလို့ ကြော်ညာပါရစေ။ တကယ်ဆို နီးမှ ကြော်ညာမယ်လို့ စိတ်ကူးထားတာ ခုတော့ တောင်ကြီးချယ်ရီမြေက မကြော်ကြော်ညာအောင် မြူဆွယ်နေတာနဲ့ ကြော်ညာဖြစ်သွားတယ်။ သီတင်းကျွတ် မီးထွန်းပွဲနောက်မှာ တန်ဆောင်တိုင် ကထိန်ပွဲက ဆက်လို့လာတယ်။ နှစ်စဉ်နှစ်တိုင်း ကျင်းပတဲ့ တောင်ကြီး တန်ဆောင်တိုင်ပွဲဟာ တောင်ကြီးမြို့ရဲ့ ပွဲတကာ ပွဲထဲမှာ အစည်ကားဆုံးဆိုတာ လူတိုင်းလဲ သိပြီးကြမှာပါ။

တောင်ကြီးတန်ဆောင်တိုင်ပွဲကို နိုဝင်ဘာလ (၁၇)ရက်နေ့ကနေ (၂၄)ရက်နေ့ထိ မီးပုံပျံ အရွယ်အစား အမျိုးမျိုး၊ ပုံသဏ္ဍာန် အမျိုးမျိုးနဲ့စည်ကား သိုက်မြိုက်စွာ ပြုလုပ်ကျင်းပသွားမှာ ဖြစ်ပါတယ်။

တောင်ကြီးတန်ဆောင်တိုင် စည်ကားတယ်ဆိုတာကို ကြားရုံပဲ ကြားဖူးပြီး လူကိုယ်တိုင် မရောက်ဖူးသူတွေ ဒီနှစ်ကံကောင်းပြီလို့ မှတ်ယူလိုက်ပါ။ အကြောင်းကတော့ တောင်ကြီးချယ်ရီမြေ ဘလော့ဂ်ကြောင့်ပါပဲ။ အဲဒီဘလော့ဂ်က ပွဲတော်ကျင်းပနေတဲ့ အချိန်အတောအတွင်း လူကိုယ်တိုင် သွားရောက် ကြည့်ရှူနေသလို ခံစားရအောင် သတင်းနဲ့ အပြေးညီ် ဓာတ်ပုံ၊ ဗွီဒီယိုဖိုင်လေးတွေနဲ့ လိုက်ဖ်(Live)နဲ့တောင် တင်ဆက်ဖို့ စီစဉ် ထားကြပါသတဲ့။

အခုလည်း (၁၇)နေ့မှာ ရောက်ရှိလာမဲ့ တောင်ကြီး တန်ဆောင်တိုင်ကို ချယ်ရီမြေဘလော့ဂ်က ညီအစ်ကို မောင်နှမတွေ ရုပ်လုံးဖော်နေကြပါပြီ။ အစမ်းလွတ် မီးပုံးပျံတွေနဲ့ တစ်စ တစ်စ ပီပြင်လာတော့မဲ့ တောင်ကြီးတန်ဆောင်တိုင် ပွဲတော်အကြောင်းကို စိတ်ဝင်စားသူများ ဘလော့ဂ်ထဲ ၀င်ရောက် ကြည့်ရှူနိုင်ပါတယ်။ ကမ္ဘာ့အရပ်ရပ်က ဘလော့ဂါများ၊ စာဖတ်ပရိသတ်များ၊ မွေးရပ်မြေနဲ့ ခွဲနေကြရတဲ့ တောင်ကြီးသူ၊ တောင်ကြီးသားများကိုလည်း တောင်ကြီး တန်ဆောင်တိုင်နဲ့အတူ ၀င်နွှဲဖို့ တောင်ကြီး ချယ်ရီမြေနဲ့အတူ ဖိတ်မန္တကပြုပါတယ်။

ပွဲတော်ရက်တွေမှာ တောင်ကြီးချယ်ရီမြေ လိုက်ဖ် (live) တင်ဆက်နိုင်ဖို့အတွက် မီးမှန်ပါစေ၊ အင်တာနက် အဆင်ပြေပါစေလို့ ဆုတောင်းလိုက်ပါတယ်။ ခုတင်ထားတဲ့ ပုံတွေက ဒီနေ့ည အစမ်းလွတ်တဲ့ မီးပုံပျံပုံတွေပဲ ဖြစ်ပါတယ်။ တောင်ကြီး ချယ်ရီမြေကနေ ကူးယူဖော်ပြပါတယ်။ ဘလော့ဂါမျှဝေတဲ့ ဗွီဒီယိုဖိုင်ကို youtube ပေါ် ကျွန်မ တင်လိုက်ပါတယ်။ အစမ်းလွတ်တောင် တက်ကြွပျော်ရွှင်နေတဲ့ တောင်ကြီးသူ တောင်ကြီးသားတွေ တကယ့်ပွဲနေ့ကျရင် ဘယ်လိုနေမလဲ.. ကျွန်မ အိမ်ပြန်ချင်တယ်း(

ချယ်ရီမြေက မြို့လေးတစ်မြို့

တစ်နေ့က ညောင်ရွှေက မောင်ငယ်တစ်ယောက် လင့်ခ်တစ်ခု ပေးတော့ ခဏ ၀င်ကြည့်လိုက်သေးတယ်။ ဖောင့်တွေ မပေါ်တာနဲ့ အမှုမဲ့ အမှတ်မဲ့ ထားလိုက်မိပေမယ့် ဘလော့ဂ်နာမည်ကိုတော့ အမှတ်ရနေတယ်။ ဘာလို့လဲဆိုတော့ တောင်ကြီးဆိုတဲ့ နာမည်ပါနေလို့ပါပဲ။ ဒီနေ့မှ ၀င်ပြီး သေချာ အစအဆုံး တ၀ကြီး ဖတ်လိုက်ပါတယ်။ အစွဲအလမ်း ကြီးတယ်ပဲ ပြောပြော၊ ကိုယ့်မြို့ ကိုယ့်ဌာနေကို သံယောဇဉ်ပိုတယ်ပဲ ဆိုဆို မပြန်ဖြစ်တဲ့ နှစ်တွေမှာ ဒီဘလော့ဂ်က ကျွန်မအတွက် အပ်ဒိတ် ပေါင်းကူးလေးပါ။ တောင်ပေါ်က တိုင်းရင်းသားတွေရဲ့ ရိုးရိုးသားသား ဓလေ့ထုံးစံအတိုင်း တောင်ကြီးမြို့ရဲ့ ဒီချယ်ရီမြေ ဘလော့ဂ်က ကျွန်မကို နွေးနွေးထွေးထွေး ကြိုဆိုနေပါတယ်။ တောင်ကြီးမြို့အပြင် နာမည်ကြီးတဲ့ တန်ဆောင်တိုင် ပွဲတော်အကြောင်း၊ စိတ်ဝင်စားစရာ အင်းလေးအကြောင်း တွေကိုလည်း ဓာတ်ပုံနှင့်တကွ ဝေေ၀ဆာဆာ မိတ်ဆက်ထားပါတယ်။ တစ်ချို့နေရာမှာ ဖောင့်တွေ သေချာ မပေါ်တာကလွဲလို့ ချမ်းအေးလှပတဲ့ တောင်ပေါ်က ချယ်ရီမြေအကြောင်း၊ တောင်အောက်က ကန်ရေပြာအကြောင်း၊ မြို့နဲ့ နီးစပ်ရာ ဒေသတွေရဲ့ ရိုးရာဓလေ့ကို စိတ်ဝင်စားသူများအတွက် ဘလော့ဂ်ကောင်းလေး တစ်ခုဖြစ်ကြောင်း ကြော်ငြာ လိုက်ပါတယ်။

ကျွန်မ နှင့် မီးပုံးပျံ

.

ကျွန်မကို လူမျိုးစွဲ ရှိတယ်ပဲပြောပြော၊ ဒေသစွဲ ရှိတယ်ပဲပြောပြော တောင်ကြီး အကြောင်းဆိုရင် နေ့တောင်အကူး မခံနိုင်လောက်အောင် ကြွားချင်... အဲ ပြောချင်နေသူပါ။ တောင်ကြီးကဟေ့ ဆိုတာနဲ့ ရှည်ရှည်ဝေးဝေး စဉ်းစား မနေတော့ဘဲ ခင်ပစ်တတ်ကြပါတယ်။ ကျွန်မတင် မဟုတ်ပါဘူး။ တောင်ကြီးကလူတိုင်း ဒီလို ဖြစ်တတ်ပါတယ်။ လူမျိုးစွဲ၊ ဒေသစွဲ မဟုတ်ဘဲ အိမ်မှာ အတူနေတဲ့ မောင်နှမတွေ အပြင်မှာ လာတွေ့ကြတဲ့ ပုံစံမျိုးပါ။ တောင်ကြီးက လူတွေ စည်းလုံးကြောင်း ဟိုးအရင် မောင်မောင်သန်း ဆပ်ကပ် မီးရှို့ခံရတာကိုက ရာဇ၀င်လိုလို ပုံပြင်လိုလို သက်သေထူနေပါတယ်။ တခါက စတိတ်ရှိုး သွားကြည့်ဖူးတယ်။ တခြား အဆိုတော်တွေ တက်တော့ ဆင်းဆင်းဆိုပြီး အော်ကြတယ်။ စိုင်းထီးဆိုင်နဲ့ လေးဖြူဆိုရင် ငြိမ်နေကြပြန်ရော... ဒီလိုလုပ်တာ မကောင်းမှန်း သိပေမယ့် တောင်ကြီးကလူတွေ ဒေသစွဲ လူမျိုးစွဲ ရှိတယ်လို့ ပြောလိုက်ရင် လွန်မယ်မထင်ပါဘူး။ အောက်ပုံတွေက တန်ဆောင်တိုင်ပွဲက ပုံတွေပါ.. ဒီကနေ ကူးယူထားပါတယ်။ တခြားပုံတွေလဲ ရှိပါသေးတယ်။

တနှစ်ထက်တနှစ် အရည်အသွေးတွေနဲ့ အကောင်တွေ ပိုစုံလာပါတယ်။ ရှမ်းပြည်နယ်ရဲ့ အလံကို အကောင်တွေရဲ့ ကိုယ်ပေါ်မှာ တွေ့နိုင်ပါတယ်။

ဒါက မီးပုံးပျံ အပေါ်တက်နိုင်ဖို့ အရှို့ခံလိုက်ရမဲ့ မရှိမဖြစ် မီးစာပါ...

မီးပုံးပျံအောက်မှာ အလှချိတ်တဲ့ မီးတွေပါ..... ဖယောင်းတိုင်မီးခွက်နဲ့ လေထီးလေးတွေပါ။

အလှချိတ်မီးကို မီးပုံးပျံအောက်မှာ တွေ့နိုင်ပါတယ်။

ပဒေသာပင် လှည့်နေတာပါ။ သူတို့ရဲ့ ကိုယ်ပေါ်ကနေ ကျွန်မရဲ့ ကျောင်းနေတုန်း ဘ၀ကို ပြန်မြင်ယောင်မိ စေပါတယ်။

လှလှပပ တက်သွားတဲ့ မီးပုံးပျံတွေ၊ ထမ်းသွားတဲ့ ပဒေသာပင်တွေသာ ကျွန်မတို့ မြင်ကြရတာပါ။ အဲလို မီးပုံးပျံ အပေါ်ကိုတက်နိုင်ဖို့ သူတို့ ဘယ်လောက် အပင်ပန်း ခံခဲ့ရတယ်ဆိုတာ ကျွန်မတို့ မသိခဲ့ကြပါဘူး။ ကောင်းကင်ပေါ် မတက်ခင် မီးလောင်ခံခဲ့ရတဲ့ မီးပုံးပျံတွေ ဘယ်လောက်ရှိမလဲ....

ဟိုတုန်းက တန်ဆောင်တိုင်

အားလပ်တဲ့ တစ်ရက်မှာ အဆက်အသွယ် ပြတ်နေတာ ကြာပြီဖြစ်တဲ့ သူငယ်ချင်း လင်မယားကို ဖုန်းဆက်ဖြစ်ခဲ့တယ်။ ချက်ရွန်း တစ်ခုမှာ သိခဲ့ကြတယ် ဆိုပေမယ့် တကယ်ခင်ခဲ့ကြတဲ့ သူတွေပါ။ တကယ်လည်း ခင်ဖို့ကောင်းတဲ့ အတွဲညီတဲ့ ဇနီးမောင်နှံ နှစ်ဦးပါပဲ။ သူတို့ နေတဲ့ အင်းလေး- ညောင်ရွှေဘက်မှာ ရေကြီးနေတဲ့ အကြောင်း၊ ရေတွေ ဒူးကျော်ကျော် မြုပ်လို့ ဘယ်မှမသွားနိုင်၊ မလာနိုင်တဲ့ အကြောင်း၊ ပုံတွေ ရိုက်ပြီး ထည့်ပေးမယ် ဆိုတဲ့ အကြောင်း အလာပ သလာပတွေ ပြောခဲ့ကြ တယ်။ ဖုန်းမချခင်မှာတော့ ပြောနေကျ စကားအတိုင်း ကျန်းမာရေး ဂရုစိုက်ဖို့၊ မြန်မာပြည် တစ်ခေါက် ပြန်လာဖို့ပါပဲ။ မယ်မီးရေ..... နောက်လ (၄)ရက်နေ့ တောင်ကြီး တန်ဆောင်တိုင် ပွဲစပြီနော်တဲ့ နောက်ဆုံး ပြောလိုက်တဲ့ စကားတစ်ခွန်းက ကျွန်မ စိတ်တွေ အတိတ်ဆီကို ပြန်ရောက်အောင် တွန်းပို့ ပေးခဲ့တယ်။ ဖုန်းချပြီး မနှစ်က သူတို့ပို့ပေးတဲ့ ပုံတွေကို ကြည့်ရင်း ကျွန်မနဲ့အတူရှိခဲ့ဖူးတဲ့ တောင်ကြီးတန်ဆောင်တိုင်ကို လွမ်းမော တမ်းတမိတာ အမှန်ပါပဲ။

ချမ်းအေးတဲ့ တောင်ကြီးမြို့ရဲ့ (၁၂)ရာသီပွဲတော်ထဲမှာ တန်ဆောင်တိုင်ပွဲတော်ဟာ အစည်ကားဆုံး ဆိုရင် မမှားပါဘူး။ တခြား မြို့ရွာတွေမှာ ပြုလုပ်နေကျ ပွဲတော်အတိုင်း တောင်ကြီး တန်ဆောင်တိုင်ဟာလည်း ဇာတ်သဘင်၊ ချားရဟတ်၊ စတိတ်ရှိုး၊ အထူးအဆန်း ပြသမှုတွေနဲ့အတူ ကြက်ပျံမကျတဲ့ ပွဲဈေးတန်းတွေ ပါပါတယ်။ အထူးသဖြင့် ရိုးရာ အစားအစာ၊ မီးပုံးပျံ ပြိုင်ပွဲ၊ အလှ လွတ်ပွဲနဲ့ ပဒေသာပင် လှည့်တာတွေဟာ တောင်ကြီးတန်ဆောင်တိုင်ကို ပိုစည်ကားစေခဲ့တယ်။

အရင်က ပွဲဈေးတော်ကို မြို့လယ်မှာရှိတဲ့ ဗိုလ်ချုပ်အောင်ဆန်း အားကစားကွင်း ပတ်ပတ်လည်မှာ ပြုလုပ်ခဲ့ပြီး ကွင်းထဲမှာတော့ မီးပုံးပျံတွေ လွတ်ခဲ့တယ်။ အ.ထ.က(၁)နဲ့ (၃)လမ်းတစ်လျောက်မှာတော့ မြို့ခံလူတွေ၊ အနယ်နယ် အရပ်ရပ်က လာကြတဲ့ ဧည့်သည်တွေနဲ့ တိုးလို့မပေါက်အောင် စည်ကားခဲ့တယ်။ မီးပုံးပျံ လွတ်တဲ့ ညအချိန်တွေ ဆိုရင် ပိုဆိုးတယ်။ ကျိတ်ကျိတ်တိုး ပါပဲ။ မီးပုံပျံကို နေ့ရော ညပါ လွတ်ကြတယ်။ နေ့မှာတော့ မီးပုံးပျံတွေကို အစုလိုက် အပြုံလိုက် လွတ်တတ်ကြတယ်။ ပုံစံမျိုးစုံပါပြီး အကောင်တွေက ပိုများခဲ့တယ်။ သူငယ်ချင်း ပို့လာတဲ့ ပုံကို ကြည့်ခြင်းအားဖြင့် တနှစ်ထက် တနှစ် အကောင်တွေက ပိုစုံလာတယ်။ အရောင်အသွေးတွေနဲ့ ပိုလည်းလှလာတယ်။ ညမှာ လွတ်တဲ့ မီးပုံးပျံတွေကတော့ ဘေးမှာ အလှမီးတွေ၊ မီးရှူး မီးပန်းတွေ၊ လေထီး သေးသေးလေးတွေ ထည့်လာတယ်။ အခုနောက်ပိုင်းမှာ ကြော်ငြာတွေပါ ထည့်လာကြတယ်။ လေထီးထဲမှာ ကံစမ်းမဲလည်း ပါတယ်လို့ ဆိုပါတယ်။ ဘေးမှာ မီးတွေပါတဲ့ ညလွတ်မီးပုံးပျံကို စိန်နားပန်လို့ ခေါ်ကြတယ်။ ပြိုင်ပွဲလုပ်တဲ့ မီးပုံးပျံတွေထဲမှာ ဟော်ကုန်း (ရပ်ကွက်) မီးဆိုရင် တော်တော် နာမည်ကြီးပါတယ်။

တန်ဆောင်တိုင်မှာ မပါမဖြစ်တာက ပဒေသာပင် လှည့်တာပါပဲ။ ပဒေသာပင်တွေ သီတဲ့နေရာမှာ တောင်ကြီးသားတွေရဲ့ လက်ရာဟာ ပြောင်မြှောက်လှပါတယ်။ ကျပ်တန်လေးတွေကို ခေါက်ပြီး လိုချင်တဲ့ပုံ သီကြတယ်။ တန်ဆောင်တိုင် လပြည့်နေ့မှာ ရပ်ကွက်အလိုက်၊ ကျောင်းအလိုက်၊ အတန်းအလိုက် ပဒေသာပင်တွေ ထမ်းပြီး ဗိုလ်ချုပ်အောင်ဆန်းလမ်း တစ်လျောက်လှည့်ကြတယ်။ ကိုယ့်ရပ်ကွက်၊ ကိုယ့်ကျောင်း၊ ကိုယ့်အတန်းက ပဒေသာပင်တွေ ထမ်းပြီး အိုးစည် ဗုံမောင်းတွေတီးရင်း ကွေးနေအောင် ကကြတဲ့ အထဲမှာ ကျွန်မလည်း အပါအ၀င်ပါပဲ။ (ပုံတွေ တောင်ကြီးမှာ ကျန်ခဲ့လို့ မဖော်ပြနိုင်တဲ့ အတွက် ၀မ်းနည်းပါတယ်း) ယောက်ျားလေးတွေနဲ့ ရောပြီးပဒေသာပင် ကူထမ်းလိုက်၊ ၀ါးလက်ခုပ် တီးကူလိုက်နဲ့ မောတယ်ဆိုတာ မရှိခဲ့ပါဘူး။နောက်မှ အဲဒီ ပဒေသာပင်တွေကို ဆိုင်ရာဆိုင်ရာ ဘုန်းကြီးကျောင်းမှာ လှူခဲ့ကြတယ်။

မှတ်မိပါသေးတယ်။ ကျွန်မ အထက်တန်းတုန်းက ကျောင်းအလိုက်ပဒေသာပင် လှည့်ခဲ့ကြတဲ့နှစ်ကို မှတ်မိသေးတယ်။ အဲဒီနှစ်ဟာ ကျောင်းအလိုက် ပဒေသာပင် လှည့်ခွင့်ရတဲ့ နောက်ဆုံးနှစ်ပဲ ထင်ပါတယ်။ အဲဒီနှစ် ကျောင်းအလိုက် ပဒေသာပင် လှည့်မလို့ အတန်းအလိုက် ပဒေသာပင်တွေ ထမ်းထုတ်ကြတော့ တချို့ပဒေသာပင်တွေက ကျပ်တန်လေးတွေ ခေါက်ပြီး လှပအောင် သီထားတဲ့ ခွပ်ဒေါင်းပုံတွေ၊ မြန်မာပြည် မြေပုံ
ဘေးက သပိတ်ကို မှောက်ထားတဲ့ ပုံတွေ၊ ခမောက်ပုံတွေ၊ ဖွင့်ထားတဲ့ စာအုပ်ပေါ်မှာ ဓားထိုးထားတဲ့ ပုံတွေဟာ တောင်ကြီးသားတွေရဲ့ လက်ရာကို ပိုပီပြင်စေခဲ့တယ်။ ဒါပေမဲ့ အဲဒီပဒေသာပင်တွေကို ကျောင်းဝအထိပဲ ထမ်းထုတ်ခွင့် ရခဲ့တယ်။ ဘုရားပုံတော်ပါတဲ့ ပဒေသာပင်တွေသာ လှည့်ခွင့်ရပြီး ကျန်တဲ့ ပဒေသာပင်ကို ချက်ချင်း ဖျက်လိုက်ကြရတယ်။ အဲဒီနှစ်က တောင်ကြီးတက္ကသိုလ် ကျောင်းသားတွေရဲ့ ပဒေသာပင်လည်း မြို့ထဲအထိ လည်ခွင့် မရခဲ့ဘူး။ ကိုယ့်ကျောင်းဝင်းထဲမှာပဲ မစည်ကားစွာ လှည့်ခဲ့ကြရတယ်။ အဲဒီ နောက်ပိုင်းမှာတော့ ကျောင်းအလိုက် လှည့်ခွင့် မရတော့ဘဲ ရပ်ကွက်နဲ့ ပေါင်းပြီးလှည့်ကြရတယ်။ ပဒေသာပင်တိုင်း ဘုရားနဲ့ပတ်သက်တဲ့ ပုံတွေကလွဲလို့ တခြားပုံတွေ မလုပ်ကြရတော့ပါဘူး။

နောက်တော့ ပွဲဈေးတန်းကို တောင်ကြီးမြို့ အ၀င် ရ.ပ.ခ ရှေ့မှာ ပြောင်းလုပ်ခဲ့ကြတယ်။ မြို့လယ်မှာ လုပ်သလောက် မစည်ကားခဲ့ပါဘူး။ အခုတော့ တောင်ကြီးတက္ကသိုလ်ဘက် ဂေါက်ကွင်းနားက စူဌာမုနိ ဘုရားနားမှာ လုပ်ကြတယ်။ တောင်ကြီးမြို့ကလည်း တနှစ်ထက် တနှစ် ပိုချမ်းလာလို့လား မသိဘူး။ ပွဲဈေးတန်းမှာ ဘီယာဆိုင်တွေ ပိုပို ပေါလာတယ်။ အကောင်စုံ မီးပုံးပျံတွေ လုပ်လာကြလို့လား မသိဘူး။ ပွဲဈေးတန်းမှာလည်း လေးကောင်၊ ခြောက်ကောင်၊ သုံးဆယ့်ခြောက်ကောင် အကောင်မျိုးစုံတွေ ပိုများလာခဲ့တယ်။ ဘာပဲဖြစ်ဖြစ် ရိုးရာဓလေ့၊ ရိုးရာ အစားအစာတွေ၊ မီးပုံးပျံတွေနဲ့ တောင်ကြီး တန်ဆောင်တိုင်ဟာ အရောင်စုံပြီး ရှမ်းမလေး တစ်ယောက်လို့ လှသွေးကြွယ်နေဆဲပါပဲ။ အခွင့်အခါကြုံခဲ့ရင် တစ်ခေါက်တခါတော့ တောင်ကြီး တန်ဆောင်တိုင်ကို အရောက်သွားခဲ့ကြပါဦးလို့......။

အောက်မေ့မိတဲ့ သီတင်းကျွတ်

မနေ့ညကတည်းက တဖွဲဖွဲ ရွာနေတဲ့မိုး ဒီနေ့ ညနေရောက်တော့ တိတ်သွားတယ်။ မိုးတိတ်သွားမှပဲ ငွေရောင် အလင်းတန်းနဲ့ ရွင်ပျပြီး ၀ိုင်းစက်နေတဲ့ လမင်းကို တွေ့ရတော့တယ်။ သူငယ်ချင်းတွေရဲ့ ဘလော့ခ်ကို သွားကြည့်မိမှ အော်... သီတင်းကျွတ်ပြန်ပြီဆိုတာ သိလိုက်ရတယ်။ ဒီနှစ်ကတော့ တိုက်တိုက်ဆိုင်ဆိုင်ပဲ။ သီတင်းကျွတ်နဲ့ တရုတ်လမုန့် ကျွေးတဲ့ညက တစ်ညတည်း ဖြစ်နေတယ်။ သီတင်းကျွတ်နဲ့ မကြုံခဲ့တာ (၁၀)နှစ်တောင် ရှိနေပါ ပေါ့လား။ ကြည်လင် အေးမြနေတဲ့ လမင်းကို ငေးကြည့်ရင်း ဟိုး... တစ်ချိန် ကျွန်မငယ်ဘ၀ ရွာက သီတင်းကျွတ် လပြည့်ညတွေကို ကျွန်မ ပြန်အောက်မေ့မိတယ်။

ကျွန်မတို့ရွာဟာ တောင်ကြီးနဲ့ (၁၂)မိုင်ခွဲ ကွာဝေးပြီး ရွှေညောင်- ရပ်စောက်သွား ကားလမ်းဘေးက အင်းသားရွာလေး တစ်ရွာပါ။ ရွာအမည်က“ဟဲကယ်ရွာ” လို့ ခေါ်ပြီး အိမ်ခြေ ၁၀၀၀-၂၀၀၀ခန့်ရှိပါတယ်။ ရွာခံအများစုက အင်းသားတွေဖြစ်ပြီး အင်းသားစကားပဲ ပြောကြတယ်။ ကျွန်မ မှတ်မိသလောက်ကတော့ ရွာမှာသီတင်းကျွတ် နီးပြီဆိုရင် ရွာက လူတွေရဲ့ အပ်ထည်တွေကို အမေ လက်မလည်အောင် ချုပ်နေရတာပဲ။ ရွာကလူတွေက သီတင်းကျွတ် မတိုင်ခင် မြို့ပတ်ဈေးတွေမှာ ဈေးတွေ လိုက်ဝယ်ကြ (တောင်ကြီးမြို့ အပါအ၀င် အနီးပတ်ဝန်းကျင်က မြို့ငါးမြို့ဟာငါးရက်တစ်ခါ ဈေးနေ့ကျပါတယ်)။ ဆန်မုန့်တွေ ထောင်းကြ၊ ဆန်လုံးစီ လုပ်ကြနဲ့ လက်မလည်ကြဘူး။ ကျွန်မတို့ ကလေးတွေကတော့ လသာလေလေ ပျော်လေလေပါပဲ။ ကျောင်းလည်း ပိတ်ထားတော့ ညအခါ လသာသာ အောက်မှာ ထုတ်စီးထိုးကြ၊ အမလိုက်တမ်း ကစားကြနဲ့ တခါတလေ အိပ်ဖို့တောင် သတိမရတတ်ကြဘူး။ ညအချိန်မှာ တူတူပုန်းတမ်း ကစားရင် နတ်ဝှက် တတ်တယ်လို့ လူကြီးတွေက ပြောပေမဲ့ နတ်ဝှက်မ၀ှက် သိချင်တာကြောင့် လူကြီးစကားလည်း နားမထောင်ခဲ့ပါဘူး။

ရွာမှ ဘုန်းကြီးကျောင်း (၃)ကျောင်းရှိပါတယ်။ လပြည့်နေ့ မတိုင်ခင်ကတည်းက ရွာနောက်ဘက် ဘုန်းကြီးကျောင်းမှာ ဓာတ်စက်ကြီး ဖွင့်လို့ လူကြီးတွေက ပဌာန်း စရွတ်နေပါပြီ။ နေ့ရော ညရော ပဌာန်းရွတ်သံက တရွာလုံးကို အေးချမ်းစေပါတယ်။ ဘုန်းကြီးကျောင်းနဲ့ ကပ်ရက် ကျွန်မတို့ မှုလတန်းကျောင်းမှာတော့ ဘုန်းကြီးကျောင်း လာတက်သမျှ လူတွေကို ထမင်းကျွေး ပါတယ်။ ၀က်သား ဆီပြန်ဟင်း၊ ငရုတ်သီးခြောက်ကြော်၊ ပဲပြင်းဆေးခါး စတာတွေဟာ အလှူလုပ်တိုင်း ကျွေးနေကျ ဟင်းဖြစ်ပေမဲ့လည်း ရိုးအီသွားတယ်ဆိုတာ မရှိပါဘူး။ (ကုန်ဈေးနှုန်းကြီးတဲ့ ခုခေတ်မှာတော့ ဒါတွေဟာ ပုံပြင် ဖြစ်သွားပါပြီ)။ လပြည့်နေ့ ရောက်ပြီ ဆိုရင် ယောကီ ၀တ်ထားတဲ့ ရွာသူတွေက မနက်အစောကြီးဘုန်းကြီးကျောင်းကို ဆွမ်းပို့ကြတယ်။ အိမ်နီးနားချင်းတွေကလည်း ကင်ပေါင်းကြော်၊ မုန့်နီကြော်နဲ့ တစ်ခြား စားစရာမုန့်တွေ ဝေငှာကြနဲ့ ကျွန်မတို့ ကလေးတစ်သိုက် အပျော်ရွှင်ဆုံး အချိန်တွေပါပဲ။ ကျွန်မ အကြိုက်ဆုံးကတော့ မုန့်နီကြော်ပါ။ ထန်းလျက်ကို ဆန်မုန့်ပျစ်ပျစ်နဲ့ ပွဖောင်းနေအောင် ကြော်ထားပြီး ဆန်လုံးစီပေါ်မှာ တင်ထားပါတယ်။ ထန်းလျက်နံ့မွေးပြီး ချိုအိနေတဲ့ မုန့်နီကိုပဲ ရွေးစားပြီး ဆန်လုံးစီကိုတော့ ကျွန်မ မစားပါဘူး။ (ဆန်လုံးစီဆိုတာ နှီးကြိုးနဲ့ ပုံစံခွက်လုပ်ပြီး ပေါင်းထားတဲ့ ကောက်ညုင်းကို အထူအပါး ညီအောင်လုပ်ပြီး အခြောက်ခံကာ ဆီနဲ့ ပြန်ကြော်စားတာပါ ဗမာလိုတော့ ဘယ်လိုခေါ်တယ် မသိပါဘူး)။

ညရောက်ရင် ကျွန်မတို့ အိမ်ဘေးက ပေါင်ဆွယ် ( အမှန်တော့ ဒေါ်ဆွယ်ပါ။ အင်းသားတွေက လူအိုတွေကိုခေါ်ရင် ရှေ့မှာပေါင်ဆိုတာ ထည့်ထည့်ခေါ်တတ်ကြတယ်။ ဥပမာ ဒေါ်မြဆိုရင် ပေါင်မြ၊ ဒေါ်အေးဆိုရင် ပေါင်အေး... ဘာအဓိပ္ပယ်လည်း ဆိုတာ ခုထိ မသိပေမဲ့၊ ဒီလိုပဲ ခေါ်ဖြစ်နေတုန်းပါပဲ)။ အိမ်မှာ သွားထိုင် နေတတ်တယ်။ လူတွေက ပေါင်ဆွယ်ကို လာကန်တော့ရင် ၀င်ပြီး ကန်တော့လိုက်၊ ဧည့်သည်တွေကို ချကျွေးတဲ့ လက်ဖက်နဲ့ ထန်းလျက်ကို နိုက်စားလိုက်နဲ့ လသာသာအောက်မှာ သူငယ်ချင်းတွေနဲ့ ကစားဖို့ ကျွန်မ မေ့နေတတ်တယ်။

လပြည့်နေ့ လွန်သွားရင်လည်း ရွာက လူတွေက ရွာနီး စပ်ချုပ်မှာ ရှိတဲ့ ဘုန်းကြီးကျောင်းတွေကို လိုက်ကန်တော့ကြတယ်။ ဘယ်နှစ်မိုင်ပဲ ဝေးဝေး လှူစရာပစ္စည်းတွေ ထည့်ပြီး အုပ်စုလိုက် လမ်းလျောက်သွားကြတာ ပျော်စရာပါပဲ။ အင်းသားလိုတော့ ကျောင်းတက်သွားတယ်လို့ ခေါ်ပါတယ်။ သီးတင်းကျွတ် ပြီးရင်တော့ဖြင့် ရွာတောင်ဘက်က ဘယ်သူသားက ရွာမြောက်ဘက်က ဘယ်သူ့သမီးနဲ့ ခိုးရာ လိုက်ပြေးကြပြီ။ ဘယ်သူက ဘယ်နေ့မှာ မင်္ဂလာဆောင်မယ် ဆိုတာတွေကို ကြည်နူးစွာကြားနေရစမြဲပါ။

ကျွန်မ မှတ်မိတဲ့ ကျွန်မရဲ့ငယ်ဘ၀ ရွာက သီတင်းကျွတ် ပွဲတော်ဟာ ဒါတွေပါပဲ။ နောက်ပိုင်း (၈)တန်းရောက်တော့ တောင်ကြီးကို စပြောင်းပြီးနောက် ရွာက သီတင်းကျွတ်ကို သိပ်မပြန်ဖြစ်တော့ပါဘူး။ ပြန်ဖြစ်ရင်လည်း ရွာမှာ ညမအိပ်ဖြစ်တာများပါတယ်။ အခုချိန် ပြန်တမ်းတမိတော့ ဟိုး... ငယ်ငယ်က တူတူ ဆော့ကစားခဲ့တဲ့ သူငယ်ချင်းတွေလည်း ဘယ်ရောက်ကုန်ပြီ မသိတော့ပါဘူး။ ရွာမှာပဲလား.. ၀မ်းစာအတွက် တစ်နယ်တစ်ကျေး ရောက်ကုန်ပြီလား။ ကျွန်မလိုပဲ လေလွင့်နေကြမလား မသိတော့ပါဘူး။ ဘာပဲဖြစ်ဖြစ် သီတင်းကျွတ်ရောက်တိုင်း ကျွန်မကတော့ ရွာကို အောက်မေ့ တမ်းတ လွမ်းနေဆဲပါပဲ။