ကောင်းကင်ပြာ ခြံ စိုက်စားရအောင်နော်....

Posted by ကောင်းကင်ပြာ at Thursday, January 7, 2010

လူ တဦးတယောက်မှာ ရှေ့ရေးအတွက် ဆိုပြီး ဘာဖြစ်ချင်တယ် ဘာတွေ လုပ်မယ်ဆိုတာ ကြိုတင် စိတ်ကူး မစဉ်းစား ထားသူ မရှိလောက်ဘူး ထင်တယ်၊ ဖြစ်တာ မဖြစ်တာ နောက်ထား တယောက်တမျိုး စီတော့ အစီအစဉ် လေးတွေ ရှိနေကြမှာပါပဲ၊ ရန်ကုန်သူ ကျမ ကောင်းကင်ပြာ မှာလဲ စိတ်ကူးယဉ် ထားတာလေးတွေ ရှိပါတယ်၊ တကယ်လဲ ဖြစ်လာနိုင်တာပဲ စဉ်းစားထားတာပါ၊


မိဘ နှစ်ပါး ဟာ အညာသူ အညာသားတွေ ဖြစ်ပေမဲ့ အဖေလုပ်သူဟာ ရှမ်းပြည်နယ် တောင်ပိုင်း မှာ ကြီးပြင်းခဲ့သူ ဖြစ်တဲ့ အတွက် မောရှမ်းဒေသဟာလဲ ကိုယ်တွေနဲ့ မစိမ်းတဲ့ ဒေသတခု ဖြစ်ခဲ့ရတယ်၊ အသက်ရှည်ချင် အပင်စိုက်ပါ ဆိုတဲ့ ဆိုရိုး စကား အတိုင်း အသက်တွေ ကြီးလာရင် အနားယူဖို့ ကျေးဇူးရှင် ဖခင်ရဲ့ စီမံမှုကြောင့် အခုဆိုရင် အောင်ဘန်း နဲ့ မန္တလေး ကြားမှာ ရှိတဲ့ ရွာငံ ဆိုတဲ့ မြို့ကလေးမှာ ၁၀ဧက အကျယ်အ၀န်း ရှိတဲ့ ကော်ဖီ နဲ့ လက်ဖက် တွေ စိုက်ပျိုး ထားတဲ့ ခြံကြီး တခြံ ရှိနေပါတယ်၊ ကောင်းကင်ပြာ ဟာ အရင်ကတည်းက အဲဒီခြံကြီး ထဲမှာ ပျော်ရွှင်ခဲ့ သလို နောက် ၅နှစ်ကြာ ရင်လဲ ဒီခြံ ထဲမှာ ပဲ ရှိနေမှာပါ၊

တချို့ မောင်နှမတွေ ရေးသလို နောက် ၅နှစ်မှာ အင်တာနက် ဆိုင်လေးတွေ ၊ စာအုပ်ဆိုင်လေးတွေ၊ စားသောက်ဆိုင်လေးတွေ၊ အင်္ကျီချုပ်ဆိုင်လေးတွေ ဖွင့်ဖို့ အစီအစဉ် မရှိပဲ၊ သစ်ပင်တွေ ကြားထဲမှာပဲ ကောင်းကင်ပြာ ရှိနေချင်ပါတယ်၊ ရွာငံ ဆိုတဲ့ မြို့လေး အကြောင်းကိုတော့ ရွာငံအလွမ်း ဆိုပြီး ရေးခဲ့ ဘူးပါတယ်၊ ပင်လယ်ရေမျက်နှာပြင် အထက် ပေ ၄၀၀၀ကျော် အမြင့်မှာ ရှိတဲ့ ဒီမြို့လေးဟာ ရှုခင်းလေးတွေ သိပ်လှ သိပ်သာယာတယ်၊ အရမ်းလဲ အေးတယ်၊ ကိုယ့်ရဲ့ ခြံလေးဟာ ရွာငံ ရဲ့ မန္တလေး ဘက်အထွက် ရွှေပွင့်လင်း ဆိုတဲ့ ရှေးဟာင်း ဆုတောင်းပြည့် ဘုရား အောက်ခြေမှာပါ၊ သွားရ လာရတာလဲ မခက်ခဲပါဘူး၊ အစိုးရ ကော်ဖီခြံတွေနဲ့ မျက်နှာချင်းဆိုင်မှာ ရှိပြီး နဘန်းကြီး ရွာသို့ ဆိုင်းဘုတ်လေးကို မြင်လိုက်ရင် ကိုယ့်ခြံကို ရောက်ပါပြီ၊

ခြံထဲမှာ ခုဆို အိမ်လေး ၂လုံးဆောက်ထားတယ်၊ ကားဝင်ထွက်ဖို့ အ၀င်တလမ်း အထွက်တလမ်း ရှိတယ်၊ အိမ်နောက်ဖက်ကို မျှော်ကြည့်လိုက်ရင် ဟိုးထိပ် တောင်ကုန်းပေါ်ထိ ကော်ဖီ ပင်တွေ ပြည့်နေတယ်၊ အိမ်ရှေ့ နဲ့ ဘေးပတ်လည်မှာ လက်ဖက်ပင်တွေ နဲ့ပေါ့၊ အိမ်ရှေ့ မျက်စောင်းထိုးလောက်မှာ ကော်ဖီ ပျိုးပင်တွေ ပျိုးထားတဲ့ နေရာကို နေရောင်ခြည် တိုက်ရိုက်မကျအောင်လဲ ဂေါ်ရခါးစင်ကြီးက မိုးထားသေးတယ်၊ အိမ်ဘေး ပတ်လည်မှာတော့ ကိုယ့် အမေရဲ့ အကြိုက် သောကလေးတွေ ကင်းဝေးအောင် သော်ကပန်းပင်လေးတွေ နဲ့ သစ်ခွပန်း ရောင်စုံ စိုက်ထားမယ်၊ နိုဝင်ဘာ ၊ ဒီဇင်ဘာရောက်ရင်လဲ ချယ်ရီပင်တွေက ဖူးပွင့်လာမဲ့ ချယ်ရီပန်းတွေရဲ့ အလှကို ခံစားရင်း ဖတ်ချင်တဲ့ စာအုပ်လေး တအုပ်နဲ့ အပင်အောက် သွားနေမယ်၊

မနက်မိုးလင်း ထွက်ပေါ်လာတဲ့ နေရောင်ခြည်လေးကို ခံစားရင်း ရွှေပွင့်လင်း ဘုရားကို ခေါင်းလေး မော့ဖူးလိုက်ရရင် တနေ့တာလုံး နေလို့အဆင်ပြေမှာပဲ၊ ကော်ဖီထွက်ချိန်ရောက်လို့ ကော်ဖီစေ့ လာကောက်သူတွေ၊ လက်ဖက်ခူးချိန်ရောက်လို့ လက်ဖက်ခူး လာသူတွေနဲ့ ဒီခြံလေးဟာ ဘယ်လောက် နေပျော်မလဲ၊ အိမ်လေးထဲမှာလဲ ကိုယ့်အဖေရဲ့ စိတ်တိုင်းကျ ဆောက်ထားတဲ့ ဘုရားခန်း၊ ဧည့်ခန်း၊ အိမ်သာ ရေချိုးခန်းတွဲရက်လေး ၂ခန်းရယ်၊ မီးဖိုချောင်သပ်သပ်၊ ထမင်းစားခန်းလေး သပ်သပ်ရယ်၊ နွေ၊ မိုး၊ ဆောင်း သုံးရာသီ လုံး အတွက် မီးသွေးမီးဖိုလေးရယ်၊ အင်း နောက်ထပ် အဓိက လိုမှာကတော့ အနွေးထည်ရယ် ၊ စောင်ထူထူ တွေရယ်ပါပဲ၊ အအေးကြိုက်တဲ့ ကိုယ်ကိုယ်တိုင်တောင် အနွေးထည် ၂ထပ် ၃ထပ် နဲ့ နေ့ရော ညရော ၀တ်ရတာ၊ မနက်မိုးလင်း စောင်ပုံကြီးထဲကနေ မထနိုင်ပဲ ကွေးနေတာတွေ ခုရေးနေရင်း တွေးလိုက်တာ ခြံထဲ ရောက်နေသလို ခံစားရတယ်၊

ဘလော့မောင်နှမတွေ ရော ကိုယ်နဲ့ တူတူ လာမနေချင်ဘူးလား၊ ခုလောလောဆယ် အိမ်လေး ၂လုံးထဲ ရှိနေပေမဲ့ မောင်နှမတွေ လာနေမယ် ဆို ထပ်ဆောက်ပေးဖို့ မြေနေရာတွေ အများကြီး ကျန်ပါသေးတယ်၊ အစားအသောက်အတွက်လဲ ပူစရာ မလို၊ ငါး ရက်တဈေး ဆိုပေမဲ့ ရွာတွေထဲမှာ ၀က်သားစားချင် ၀က်သား၊ ကြက်သားစားချင် ကြက်သား၊ အဆင်သင့် ရတယ်၊ အသီးအရွက်ပဲ ကြိုက်တဲ့ သူတွေ အတွက်တော့ အတိုင်းထက် အလွန်ပေါ့၊ အိမ်ရှေ့မှာ စိုက်ထားတဲ့ ဂေါ်ရခါးစင်ကြီးပေါ်က ဂေါ်ရခါးသီး ကြော်စားလဲ ရသလို၊ ဂေါ်ရခါးညွန့် လပ်လပ်ဆတ်ဆတ် လေးတွေ၊ မှို ပေါ်ချိန်မှာ ခြံထဲမှာပဲ ရှိနေတဲ့ မှိုကျင်းတွေ၊ ကန်ဇွန်းဥ ချိုချိုလေးတွေ တူးစားချင်လဲ လွယ်ကူ၊ ဘာလိုသေးလဲ..လိမ္မော်သီး ကြိုက်သူတွေကို လိမ္မော်ခြံထဲမှာ သပ်သပ် ထားပေးနိုင်ပါတယ်၊

တခု ရှိတာကတော့ ခုထိ အင်တာနက်လိုင်း မရသေးတာပါပဲ၊ မြို့လေးကို ဖြတ်ပြီး ဟဲဟိုး၊ တောင်ကြီး အကုန် ရနေပေမဲ့ ဒီ ရွာငံ မြို့လေးကျတော့ အိုင်ပီစတားဖုန်းလိုင်းကလွဲလို့ မရသေးဘူး၊ နောက် ၅နှစ်ဆိုရင်တော့ ရနိုင်ကောင်းပါရဲ့..း)အားလုံး လာနေပါလို့ ဖိတ်ခေါ်ပါရစေ...

မမ၀ါရဲ့ နောက် ၅နှစ်ကြာရင် ဘာလုပ်မလဲ ဆိုတဲ့ တဂ်ပို့စ်လေးပါ၊ ကောင်းကင်ပြာ ဟာ နောက် ၅နှစ်ကြာလို့ ဒီ စင်ကာပူ မှာ မရှိရင် ရှမ်းပြည်နယ် တောင်ပိုင်း ရွာငံ ဆိုတဲ့ မြို့ငယ်လေးမှာ ကော်ဖီပင်တွေ ၊လက်ဖက်ပင်တွေ ၊လိမ္မော်ပင်တွေ ကြားမှာ အဖေ အမေ အချစ်ဆုံး နဲ့ အတူတကွ ရှိနေပါမယ်လို့.....

တဂ်ခေါင်းစဉ် နံပါတ် ၂၊ စိတ်ကူးထဲက အိမ်ထောင်ဖက် အတွက်ကတော့ ကောင်းကင်ပြာ မှာ စိတ်ကူးယဉ် ထားတာ မရှိတဲ့ အတွက် မမ၀ါ ခွင့်လွှတ်မယ်လို့ ထင်ပါတယ်။