ထန်းလက်ပြားခေါင်းပေမဲ့ အလောင်းလှပါတယ်

    ကျွန်တော်ခေါ်တာက အဖွား ၊ အရပ် က ခေါ်တော့ အမေခြုံ ။ ပြောမယုံ ကြုံမှ သိမယ် ။ ၁၉၉၅ မှာ အဖွား တစ်ရာ့ နဲ့ ၅ နှစ်ရှိပြီ ။

အဖွားအဖေကထန်းသမား  ထန်းတဲဘေး က စံပါယ်ရုံဘေးမှာမွေးလို့  အဖွားကို ပန်းခြုံ လို့ နာမည်ပေးသတဲ့ ။

အဖွားလို့ ခေါ် ပေမဲ့ ကျွန်တော်နဲ့ သွေးသားရယ်လို့တော့ မတော်ဘူးပေါ့ ။ အိမ်ဘေးမှာနေ တော့ သွေးသားရင်းမခြား အဖွားတော်ထားတယ် ။

    အသက်က တစ်ရာ့ ငါး ဆိုပေမဲ့ သားထောက်သမီးခံ မရှိတော့ ကိုယ့်အားကိုယ်ကိုးတယ် ။ မျက်လုံး လည်းကောင်းသေးတယ် ။

 တောင်ဝှေးလေးတစ်ချောင်းထောက် ၊ ရွားရိုး ကိုးပေါက် သူမရောက်တဲ့နေရာအတော်ရှာရမယ် ။

ပုံးတစ်လုံးကိုဆွဲလို့ နွားချေးလည်ကောက်တယ် ။ ကုသိုလ်လည်းရပိုက်ဆံရပေါ့ ။ မိုးတွင်းဆိုရွာပြင်ထွက် ဒေါင်းဒလိတ်ရွက် ၊ ပရန္နဝါရွက် ၊

 ဟင်းသုံးဆင့်ရွက် ဆူးပုတ်ရွက် ၊ မန်ကျည်းနဲ့ ကင်းပုံ အစုံသူခူးတယ် ။

 ခူးသမျှအရွက် စုံ  အိတ်ထောင်မှာ ပုံလို့ထည့် သူ့ခေါင်းမှာရွက် လို့ အမေခြုံ  ဈေးရောင်းထွက်တယ်  ။ဆန်လတ် နဲ့ ဆန်ကွဲ ရသမျှသူလဲတယ် ။တခါတခါ ဆန်ကောင်းလေး တစ်လယ်မယ် (နို့ဆီဗူးတစ်ဗူး)  ရရင် ဘုန်းကြီးတွေ ဆွမ်းကပ်လို့ သူ့ မျက်နှာသိပ်ကျေနပ်နေရှာတယ် ။

    မနက်မိုးလင်းရင် အမေ့ခြုံကြေးစည်သံ တစ်ရပ်လုံး ညံလို့ပေါ့ ။ ရွာဦးကအုံးမောင်းတောင် သူ့လောက် အချိန်မမှန်ဘူး ။

အိမ်ဘေးကလမ်းကလေး တမြက်စည်းအမြဲလှည်းပေးတက်တယ် ။ သံဃာတွေ ဆွမ်းခံကြွရင် ဖုန်းမထအောင် လို့ တဲ့ ။ ရွာထဲက လမ်းတွေ တစ်လျှောက်တွေ့သမျှ အမှိုက်သူကောက်တယ် ။

တလင်းလက်ကျန် တွေလိုက်ရှင်း ရင်း ရလာတဲ့ အသီးနှံအဖျင်းလေးတွေကို ငှက်ကလေးတွေအစာကျွေးတယ် ။ ဘုန်းကြီးကျောင်း ၊ ဘုရားဝိုင်း  နေ့ တိုင်း သူ မြက် နှုတ် တယ် ၊ဘုရားတိုက်ပတ်ချာလည် ပန်းပင်တွေလိုက်စိုက်တယ် ။ ဆရာတော် တွေရဲ့ ကုဋေ အမြဲ တစေ ရေးဆေးပေးတယ် ။ မိုးလင်းကမိုးချုပ် တကုတ်ကုတ် နဲ့ အလုပ်တခုခုတော့ သူလုပ်နေတက်တယ် ။ သူ့ အိမ်အတွက်ရေခပ်ပေးရင် ကျွန်တော့်ကိုဆုတွေလည်း တစ်သီကြီးပေးတယ်သေးတယ် ။ညဘက်ညဘက် ပုံတိုပက်စတွေလည်းပြောပြတက်သေးတယ် ။ ငါ့မြေး လူ တစ်ယောက်ကောင်းမကောင်း အလောင်းမြေကျတဲ့ခါသိလိမ့်မယ်လို့ ပြောတက်သေးတယ် ။

ကျွန်တော်က ငယ်ငယ် အဖွားစကားတွေ ကို နားမလည်ခဲ့ဘူးပေါ့ဗျာ  ။

    အမေခြုံ စာမတက်ပါဘူး ။ သူ့မွေးသက္ကရာဇ်တောင်သူမသိရှာ ။ ဆုတောင်းပြည့်ဘုရားကြီးပြင်တဲ့ နှစ် မှာမွေးတာလို့ ပဲပြောတက်တယ် ။ သူမှာဥစ္စာရယ်လို့လည်း မရှိရှာပါဘူး ။သူဆုံးတော့ ကျန်ရစ်တာ လုံချည်စုတ် ၃ ထည် ၊ အင်းကျီ ၂ ထည် ၊ သဘက်တစ်ထည် ၊ ကြေးစည်တစ်ခု ၊ တောင်ဝှေးတစ်ချောင်း ၊မြေအိုး ၂ လုံး ၊ ပန်းကန်ပြားတစ်ချပ် ။ သူ့ အိမ်ဆိုတာက ထန်းရွက်မိုးထန်းရွက် ကာ ။

အုတ် ၊ သစ် ဆိုတာဝေလာဝေး ၊ ဝါးကြမ်းကလေးတောင် မရှိ ရှာဘူး ။ သူ့အလောင်းမြေ ကျဖို့ အခေါင်းလုပ်တော့ ပျဉ်ဆိုတာ ဘယ်မှာမှ ရှာမရခဲ့ဘူး ။အိမ်ထန်းပင်ကထွက်တဲ့ ထန်းလက်ပြားလေးတွေထုတ် ခေါင်း လုပ်ပေးလိုက်ရတယ် ။ ရင်ထဲမှာ တော့ တော်တော် မကောင်းဘူး ။

    လူ့ဘဝမှာ ဘယ်အရာတွေက အဓိကကျသလဲ ။ ပညာ တွေလား ၊ ဥစ္စာတွေလား ၊ ထည်ဝါခမ်းနားမှု ၊ ဂုဏ်ပကာန တွေလား ။ အဲဒီပေတံ နဲ့ တိုင်းတာခဲ့ ရင်တော့ အမေခြုံ တစ်ရာ့ငါးနှစ်လုံးအသက်ရှည်ပေမဲ့ လူလုံးမလှခဲ့ဘူး ။

 ဒါပေမဲ့ ကျွန်တော်တို့ ပတ်ဝန်းကျင်အတွက် လူသုံးကျ တစ်ယောက်တော့ အသေအချာ ဖြစ်ခဲ့တယ် ။ ပိုနေရင်သာမသိသာတယ် ၊

လိုနေရင် ပတ်ဝန်းကျင်တစ်ခုလုံးမှာ လစ်ဟာသွားသလို ပဲ ဆိုတာ အသုံးကျတဲ့လူတစ်ယောက်ဆုံး ရှုံးဖူးမှ ကျွန်တော်ကောင်းကောင်းသိလိုက်ရတယ် ။ ရွာ ကို အလည်ရောက်လို့ အိမ်ပေါက် က လမ်းပေါ်မှာ လွင့် နေတဲ့ အမှိုက်တွေတွေ့ရင် အမေခြုံကိုသတိရမိတယ် ။ ဘုရားတိုက်တွေကြား မြက်တွေသောသောထနေတာမြင်ရင်လည်း အမေ့ ခြုံကိုသတိရတယ် ။

 ကားစီးနိုင်တဲ့ သူဌေးကြီးတွေ အလှုပေးတာမြင်ရင် အမေ့ခြုံကိုသတိရတယ် ။ အင်တာနက်ပေါ်က ပညာတက်တွေက လူတွေကို သိပ်ချစ်ပြရင်အမေခြုံ ကို သိပ် သတိရတယ် ။အမေ့ ခြုံ အသုဘ မှာ မြင်ခဲ့ ရတဲ့ မြင်းကွင်းလေး ကို ကျွန်တော် ပြေးပြေးမြင်မိတယ် ။ ခပ်ကျဲကျဲ ထန်းလက်ပြားခေါင်း ထဲ မှာ အဝတ်ဟောင်းလေး တွေဝတ်ပြီး အဖွား အိပ်နေ သလို ပါ ပဲ ။

လူတစ်ယောက်ကောင်းကောင်း မကောင်း အလောင်းမြေကျတဲ့ခါ သိလိမ့်မယ် ....ဆိုတဲ့စကား ကျွန်တော်နားလည်သွားပြီ ။

      အဖွားရယ် " ထန်းလက်ပြားခေါင်းပေ မဲ့ အဖွား အလောင်း လှခဲ့တယ် " ....။

by ရုပ် ဆိုး on Saturday, 10 March 2012 at 02:13